Read Q'anjob'al Sal 48 Bible Online

Sal 48 - Q'anjob'al bible

Sal 48

¹A ton bit eb yinatil Coré ti' ¡A Jehová, yelxac'al miman yelapnok Cham! A co Diosal, is moj yal-lay watx' k'anej bay yul conobal, c'al bay tzalan yet ayilal.

²Manxa watx'ilok yili jun tzalan ti' yuj can ayajok. A bay chon tzalan Sión ti', bay is tz'eyil yetc'ulal norte, a tu' ay wal is tzalojc'ulalil masanil eb cajyom sat tx'otx' tx'otx' ti', a ton is conob Cham Rey Yelxac'al Miman.

³A bay mimek na bay jun tzalan ti' maxax tx'oxil ba Dios yin yoccan enelejal.

⁴Max waj ba eb cham rey, max toj bululok eb yin conob Sión.

⁵Palta max c'ayc'ul eb yet max yilon eb jun conob tu'. Max somchaj el c'ul eb, cax max toj eb elok.

⁶Max michchaj el eb yuj xiwc'ulal, c'al yuj somc'ulal, axca ix ix ayoc yailal yuj uniwal.

⁷Axca wal michchaj juntzan te barco yet conob Tarsis yuj owal cak'ek' chi tit yichcan, tol chi pojcantok te' yuj, axca tu' max yun michchaj eb.

⁸A bay conob Jehová co Diosal, Cham Yajaw yin Masanil, max jil wali axcac'alta' yal-lay ayon. A Dios ok yak'c'al is tec'anil Jerusalén.

⁹Ach Dios, chi co na' a miman camc'ulal bay a templo.

¹⁰Ach Dios, yujtol binajbil ach bay masanil yulyibank'inal ti', yuj tu' chi al-lay watx' k'anej ayach. A yuj epalil chak'on tojolal.

¹¹¡Ayokab tzalojc'ulal eb aj Sión! ¡Ajokab can tzaloj aj c'ul is conoblak Judá, yuj a tojolal max el oneni!

¹²Ec'anek oyoyok yinlak Sión, cax che bison jayeb is torreal,

¹³cax chi cam e c'ul e yilon is murallail; chi cam c'apax e yilon is nalakil yet eb yajaw, yet watx' ok je' e yalon yabix eb unin manto aljok.

¹⁴A Diosal Sión, a ton co Diosal yin tojbalk'inal. A Cham chon ion bey yin tojbalk'inal.