Read Q'anjob'al Sal 5 Bible Online

Sal 5 - Q'anjob'al bible

Sal 5

¹A ton bit David ti' Mamin Jehová chi cam aben in k'anej. Ocan t'anan win yet chi sik'son jay in c'ul.

²Chi cam aben yet chi walon in ba ayach; in Reyal ach, in Diosal ach, xan ok in txajlok ayach.

³Yet k'inibalil ok aj waw ayach Mamin Jehová. A yet k'inibalil ok wal in ba ayach, cax ok wechbanen a paktzebal.

⁴Yujtol ach ti', man Diosalok ochewomal yin yobtakil ach, man ok ayjok eb yob c'ul a c'atan.

⁵Man ok ayjok eb lues a satak; c'am chi cha a c'ul eb chi unen yobtakil.

⁶Ok a c'aycan el eb lek'ti'. Yajbejal yayji oj eb iom el chic', c'al eb naom aj k'anej.

⁷Axa in xin, ok in octok bay a templo yuj a miman watx'c'ulalil win; ok wal watx' k'anej ayach yin ayilal bay a templo tu'.

⁸Ikbaj in yin a tojolal ach Jehová, yujc'al eb ajc'ul oc win. Mamin, jichlonej a be in satak.

⁹Tokwal ay k'anej yel chi yal eb, yobc'al tzet chi na eb. Yuj tzet chi yal eb tu', xan chi toj anima bay cambal; chi yal eb watx' k'anej yin cabsatil.

¹⁰Ak' wal yailal yiban eb, ach in Diosal; ayokab c'ay eb yin is yob k'anej chi yala'. Yujtol xiwilxa is yec'nakilal eb, xan ican el eb xol a conob. Ilab xin, tol max caktzaj oc eb en.

¹¹Axa pax masanil eb chach yaoc yipok c'ul xin, tzalojokab aj c'ul eb. Elokab yaw eb yin tzalojc'ulal yin tojbalk'inal, yujtol cha colcan el eb. A eb chi camel c'ul en, a en chi tzaloj aj c'ul eb.

¹²Yujtol ach Jehová, chak' a watx'c'ulal bay mac ayoc yin tojolal. Colil eb yetok a watx'c'ulal.