Read Q'anjob'al Sal 53 Bible Online

Sal 53 - Q'anjob'al bible

Sal 53

¹A ton bit David ti' A eb yob nabal, chi na eb tol c'am Dios. Junlajan max yun yetaxtok nabal eb. C'am axcaxa yobal max yun eb. C'am mac chi unen watx'c'ulalil.

²Atac'al bay satcan t'anantek Cham Jehová jin ayon anima on ti', yuj yiloni ta ay junok mac chi nachaj el yuj, ta ay mac chi naon Cham.

³A eb masanil max bekcan watx' beybalej. Junlajan max yun yetnentok ba eb. Tok ayto wal mactxel chi unen watx' beybalej. Tutun c'am mactxel, tamwal junok.

⁴C'am chi nachaj el yuj eb unem yobtakil, a ton eb chi c'ayon el eb wet conob axcaokxac'al tol loj, cax c'am chi yal ba eb bay Dios.

⁵Caxc'al c'am tzet yuj xan chi bil eb, palta max bilaj eb yuj xiwilal. A Dios max saklemnejcantok is bakil eb ajc'ul. Max cancan eb yin q'uixawc'ulalil, yujtol maj chalay eb yuj Dios.

⁶¡Matawal a bay tzalan Sión chi tit co colbanil ayon Israel on ti'! A yet ok yak'on Jehová is watx'c'ulalil jiban junelxa, ok tzaloj aj co c'ul ayon yinatil on Jacob ti', cax ok el lenaj ok jil on.