Read Q'anjob'al Sal 57 Bible Online

Sal 57 - Q'anjob'al bible

Sal 57

¹A bit David ti' yet max elaj bay Saúl yet max tojcan bay ch'en nach'en. Ach in Diosal, ok' wal a c'ul win, a en chin say in colbalba. Chi wochej chin col in ba en axca chi yun colon ba no yune' caẍlan yalan xic' is txutx, masantac'al chi eq'uel jun in yailal ti'.

²Ok aj waw bay Dios, Cham Axac'al Ocok, bay Dios tol chin is col yin masanil.

³A yin is camc'ulal Cham, c'al yuj chi yunc'al tzet chi yala', xan ok yatek colbanilej ayin tac'al satcan. Axa in is colon el yul k'ab eb chin etnen tu'.

⁴Oyan oc eb ajc'ul win axca wal no coj, telan in ay xol eb c'aywajwom. A is ye eb lajan axca ch'en lanza c'al julbalej. A is k'anej eb, lajan axca wal espada el ye.

⁵Ach in Diosal, ilayokab ach aj can yiban satcan. Tx'oxlayokab a mimanbilal bay masanil tx'otx' tx'otx' ti'.

⁶A eb ajc'ul oc win, max yaay eb in yalil, manxa animaok ay in c'ul yuj eb, cax max watx'nej eb jun olan yul in be; palta ac'al oc eb max ayc'ay yul.

⁷Ach in Diosal, bekan wanimail, xan chi yal in c'ul ach in bitnen yin jayebok bit.

⁸Ach wanimail, iel a wayan. Ican el a wayan, sonlan yin arpa c'al yin salterio. Ok el in wayan yet chi sakbi, cax ok in sonlok.

⁹Mamin, ok ach in bitnej nan xol conoblak c'al nacionlak.

¹⁰Miman ton a camc'ulal, chi apni masantac'al satcanlak. Toc'alta' chak'c'al yun tzet chala'.

¹¹Ach in Diosal, ilayokab ach aj can yiban satcan. Tx'oxlayokab a mimanbilal bay masanil tx'otx' tx'otx' ti'.