Read Q'anjob'al Sal 6 Bible Online

Sal 6 - Q'anjob'al bible

Sal 6

¹A ton bit David ti' Mamin Jehová, manchak in a tzu' yetok yowal a c'ul, manchak aoc tz'um win yet chach caktzaj elok.

²Mamin, ok' wal a c'ul win yujtol c'amxa wip chi wabej. Mamin, ak' meltzoj in cawil junelxa, yujtol ipan bil masanil in mimanil ti'.

³A wanimail ayoc yin somc'ulal. Axa ach Mamin, ¿bak'in ok in a colo'?

⁴Mamin, ocan t'anan win xin, colcan el wanimail yuj wal a camc'ulal.

⁵Tok ay mactxel chachto naontek yet camnakxa. ¿Mac wal junok ok je' yuj ach bitnen xol eb camnak tinani'?

⁶Mayal pax wip wok'i. Xiwil chin ok'c'al yet junjun ak'bal. Max ch'acay el in k'an yuj yal in sat.

⁷C'amxa chi je' wilwi, yujtol max malaj in sat wok'i, yujc'al eb ajc'ul.

⁸Elanek in c'atan ex unem yobtakil, mayal wal yab Cham Jehová wok'ilal.

⁹Mayal yab Cham in tewilal. Mayal wal cha' Cham in txaj.

¹⁰A eb ajc'ul oc win ok yiltek ba eb yin q'uixwilal. Ok elcan aj eb yin somc'ulal. Yin junnej mutz'satil ok elcan aj eb yin q'uixawc'ulalil.