Read Q'anjob'al Sal 61 Bible Online

Sal 61 - Q'anjob'al bible

Sal 61

¹A ton bit David ti' Ach in Diosal, abintek. Chi el waw yuj yatakil chin oni. Cha ab in txaj.

²A bay lajubal tx'otx' tx'otx' chi el waw ayach, tol chi el yip in c'ul chi wabej. I in ajtok yiban junok miman ch'en, cax chin colchaji.

³Ach ayach oc in colbalbaok, axca junok ch'en miman is tel chin is col bay eb ajc'ul.

⁴Chi yochej in c'ul chin ayji bay atut yin tojbalk'inal, chi wochej chin c'ubaj in ba en axca chi yun c'uban ba no yune caẍlan yalan xic' is txutx.

⁵Ach in Dios, max ab walben ayach, cax max ak'on in satak xol eb ay elapnok yul sat.

⁶Ak' miman k'inalej ayin rey in ti', ayinokab ec' yin xiwilok abil,

⁷cax chi wak'on yajawilal a satak. Taynej in yin a camc'ulalil yuj chi yunc'al tzet chala'.

⁸Cayton tu' ok yun ach in bitnen yin tojbalk'inal, cax ok wiken walben ayach yin junjun c'u.