Read Q'anjob'al Sal 64 Bible Online

Sal 64 - Q'anjob'al bible

Sal 64

¹A ton bit David ti' Ach in Diosal, ti' wal chi wal in ba ayach; ab in tewilal. C'ubaj el in k'inal bay eb yajawil ajc'ul.

²C'ubaj in el bay eb unem yobal, c'al yin tzet yetal mayal na eb yin ewantakil win. Colin el bay eb unem yobal, tol yob chi na eb win.

³Tol chi c'asanbi ti' eb axca niklay espada, cax chi yalontok eb k'anej ya' win axca julbalej.

⁴Yinxac'al ewantakil, axca tol chi julwajtok eb yetok k'anej yin eb c'am mul, chi julwajtok eb yin c'am xiwc'ulalil, yet man naanok.

⁵Ac'al oc eb chi yiptzelej ba yin yunen yobal. Nanon yec' c'ul eb yaon ay yal yin ewantakil. C'am mactxel chi ilon eb yaloni.

⁶Chi cam naon eb tzet chi yun yin yobtakil. Watx'xac'al yayji yuj eb. A tzet yetal chi na eb tu', ewantak yayji yin is nabal eb.

⁷A Dios ok ak'on yasjok eb yetok is julbal, lemẍic'al ok ak'lay yasjok eb.

⁸A is k'anej eb ok ak'on ayc'ayok. Axa mactxel ok ilontek eb, ok buchwajcan yin eb.

⁹Catatu' bian, ayxa ton yelapnok Dios yul sat masanil anima, cax ok yalon el eb is yunben Dios. Ok nachaj el yuj eb tzet yetal mayal yun Cham.

¹⁰A anima watx' ok yak' tzalojbok c'ul yin Jehová, cax ok sayon ec' is colwal bay Cham. A masanil eb anima watx', ok ayjok ec' eb yin junc'ulal.