Read Q'anjob'al Sal 65 Bible Online

Sal 65 - Q'anjob'al bible

Sal 65

¹A ton bit David ti' ¡Ach Diosal Sión, tol a moj wal a bitnelayi! ¡A moj wal tol chi yun tzet altebil ayach!

²Masanil anima chi jay ayach, yujtol chi abc'al is txaj eb.

³A wal co yobc'ulalil chon ak'on ayc'ayok, axa ach chi ton a joc'ay co mul on.

⁴Tzalojc'ulal jet, yujtol ach max on a sic'can elok yet chon ayji bay a templo. Watx'xac'al jayji yuj watx'ilal ay yul atut, a ton a templo yet ayilal.

⁵Ach Dios co Colomal, yin a tojolal chon a tak'wen yin onben c'ayubtakxac'al. A masanil eb anima cajan sat tx'otx' ti', c'al eb cajan sataktok a' mar, ok ach yaoc eb yipok c'ul.

⁶Caw max otcan witzlak yin ak'balnen epalil.

⁷Ach ton chak' numay bil sat a' aej, c'al ak'on numay uchlejbail xol conoblak.

⁸A eb cajan ec' bay najat tx'otx'lak, chi bilaj eb satak onben tol c'ayubtakxac'al. Oj wali xan chi oc aw yin tzalojc'ulalil bay chi ajol c'u, masantac'al bay chi toj c'u.

⁹Ayachc'al oc elon tx'otx', chak'on is nabil tx'otx' cax chak'on tit yawojal tx'otx'. A yetok a' aej chi el yakan, chak'on ch'ib ixim trigo. Caywal ton tu' chi yun a watx'nen tx'otx'.

¹⁰Chi ocay el txolil tx'otx' tx'otx' oj, cax chak'on noj yuj aej is jobelakil tx'otx', cax chak'on c'unbok tx'otx' yuj yax nab, c'al ak'on a watx'c'ulalil yin satni el yawojal tx'otx'.

¹¹Xiwil sat awoj chi yak' yet junjun abil oj, axa asunlak xiwil nabil chi yak'a'.

¹²Chi yaxbi el an ac'un bay tz'inan tx'otx', axa tzalanlak watx'xac'al chi yun yili.

¹³A sat ac'al-lak chi nojcan el yuj no calnel, axa jobelak chi nojcan el yuj trigo, cax chi bitni eb masanil, chi el yaw eb yuj tzalojc'ulalil.