Read Q'anjob'al Sal 67 Bible Online

Sal 67 - Q'anjob'al bible

Sal 67

¹Ach co Diosal, ak' a watx'c'ulal ayon. Ok' wal a c'ul jin on, chaokab a c'ul on eloni.

²Yet watx' a masanil nacionlak bay yulyibank'inal ti', chi yojtaknej el eb tzet chi yochej a c'ul, c'al colbanilej chak'a'.

³Ach Dios, bitnokokab eb conoblak ayach. Masanil eb conoblak, bitnokokab eb ayach xin.

⁴¡Awjokokab nacionlak yin tzalojc'ulal, tutun wal ach chak' cuenta eb conoblak yin tojolal! ¡Ach ton chekbaj nacionlak bay yulyibank'inal ti'!

⁵¡Ach Dios, bitnokokab eb conoblak ayach! ¡Masanil eb conoblak, bitnokokab eb ayach xin!

⁶Mayal satni el tx'otx' tx'otx'. Mayal yak' Dios is watx'c'ulal ayon.

⁷¡Yak'okab Dios is watx'c'ulal ayon! ¡Ayokab yelapnok Cham bay masanil yulyibank'inal ti'!