Read Q'anjob'al Sal 70 Bible Online

Sal 70 - Q'anjob'al bible

Sal 70

¹A ton bit David ti' Ach in Diosal, ul colin elok. Jehová, titan yin ayman in a coloni.

²C'amokab yelapnok eb chi yochej c'ul chin ak'on camok. A eb chi yochej c'ul ay tzet chin yutej, tokokab eb elok yin q'uixwiltakil.

³A eb chin buchoni, a ton eb chi el tzub win, tokokab eb elok yin q'uixwiltak.

⁴Axa masanil eb chi yiay ba ayach, ok tzaloj aj c'ul eb. A eb chi ochen a colwal, yalokabc'al eb tol mimanbil ach toni.

⁵A pax ayin ti xin, tol ok'bal in c'ul, cax cusc'ulal ayin. Chi wala': Ach in Diosal, titan ayman quin a coloni. Achc'alta' chach oc wetok, cax chin a colon elok. Manchak ach mayji a tit xin, Mamin Jehová, quin chi.