Read Q'anjob'al Sal 75 Bible Online

Sal 75 - Q'anjob'al bible

Sal 75

¹A bit Asaf ti' Ach co Diosal, chi jal yuj diosalil ayach. Chach ton jak' binajok yin jalon el onben c'ayubtak yoqui.

²Chi yal Cham Yajaw axca ti': A wal yet ok ajapnok tiempoal wuj, watx' ok wut in beyc'ulal.

³Caxc'al chi bilaj tx'otx' tx'otx' yetok masanil tzet yetal ay yiban, palta ayin ton ok wacan oc yip tx'otx'.

⁴A bay eb chi maynej ba, c'al eb yobtakwom chi wala', tol manchak yut ba eb luesal.

⁵Man mimanok chi alxi eb yuj tzet yetal chi je' yuj eb yaloni. Manchak k'anjab eb yin maynejbail, ẍi Cham.

⁶Yujtol a jun aloj watx' k'anej jin, c'am chi tit bay chi ajol c'u, tamwal bay chi toj c'u, tamwal bay norte tamwal bay sur.

⁷A Dios ayoc Juezalil. Ay mactxel chi yiayok. Ay mactxel chi yiaj can.

⁸Ay is k'ak'alc'ulal Jehová, axca tol ibil oc yuj junok copa nojnak yetok paj vino. A wal yet ok secon el paj vino tu', masanil eb unem yobtakil yiban tx'otx' tx'otx' ti', axca tol ok yuc'tok eb masanil.

⁹Axa pax ayin ti', toltac'a ok walcan el yabixal co Diosal ayon yinatil on Jacob ti', ok wal watx' k'anej yin bitalil bay.

¹⁰Yujtol a Cham ok yak' c'ayil yipalil eb unem yobal, palta ok ilay aj can yipalil eb anima watx'.