Read Q'anjob'al Sal 76 Bible Online

Sal 76 - Q'anjob'al bible

Sal 76

¹A bit Asaf ti' Ojtakbil Dios bay conob Judá. Puch mimanbil Cham bay Israel.

²A bay tzalan Sión, a tu' ay is cajlobal, a bay Jerusalén chi makwaj axca no coj.*fn*

³A bay tu' max c'aycan el Cham ch'en ch'en yet owal, a ton julbalej, c'al espada, c'al makbal julbalej.

⁴Ach Dios, caw miman a mayk'ak'al. Yelxac'al miman epalil yintak masanil no no' bay jolomlak witz.

⁵A eb soldado puch jelan yin owal max ilay ec' is tzet yetal eb. A eb xiwil yip, c'amxa tzet max yal eb, max wayaj eb yin junelnej.

⁶A yet max el aw ach Diosal Jacob, majxa je' bil eb, tamwal is carruaje eb, tamwal is chej eb.

⁷Tol ay wal a may sic'libil. ¿Macto wal ok je' yoc lecan a satak yet mayal ach caktzaj el tit owal?

⁸Atac'al bay satcan tu' max a tx'oxcan el a beyc'ulal, axa tx'otx' tx'otx' max xiwcan ajok, cax max numayi,

⁹yet max ach aj wan ak'on a beyc'ulal, c'al a colon el eb ok'bal c'ul yayji bay yulyibank'inal ti'.

¹⁰A yowal c'ul anima ok yutcan oc ba yin aloj watx' k'anej en. A jabokxa yowal is c'ul eb tu', ach ok a tenoc wanajok.

¹¹Jak'ek co ti' bay Jehová co Diosal, asan xin jak'ekc'al yunej. Axa ex nacionlak ex ti', tol ayex ec' cawilal conob Cham, iektek e sabal bay. Moj tol ay yelapnok Cham yul e sat,

¹²yujtol a Cham chi ion el k'inal eb yajaw. Ay xiwc'ulalil eb rey yet yulyibank'inal ti' bay Cham.