Read Q'anjob'al Sal 80 Bible Online

Sal 80 - Q'anjob'al bible

Sal 80

¹A bit Asaf ti' Abxalwan ach yilomal conob Israel, tol che bey yinatil José axca no calnel; ach tol chotan ach ay yiban eb querubín.

²Tx'ox a mayk'ak'al satak yinatil Efraín, c'al Benjamín, c'al Manasés. Ajan wanok, cax titan on ul a colon yetok epalil.

³Ach Dios, watx'nej on junelxa axcac'alta' jayji on. Ilontek yin watx'il a c'ul, axa co colchaj on tu'.

⁴Mamin Jehová, Yajaw Ach Yin Masanil, ¿jantakto tiempo ow achc'al yin txaj eb a conob?

⁵A co cusc'ulal max ak' co lobejok. A yal co sat max ak' juc'aok.

⁶Max on acan oc yin buchbejalok eb ajc'ul ay co cawilal. Chi cam c'ul eb ajc'ul on tzeyeni.

⁷Ach Yajaw Yin Masanil, watx'nej on junelxa, axcac'alta' jayji on. Ilontek yin watx'il a c'ul, axa co colchaj on tu'.

⁸A bay Egipto max eiltek jun moc'an an uva, max eoncan el conoblak bay is tx'otx', cax max awoncan ay an bay tu'.

⁹Max aon ay patanil an, axa tit xe' an uva tu', cax max nojcan el tx'otx' yuj an.

¹⁰Max oc yewanil an yibanlak witz. Max makay c'apax el te te' puch can is tel yuj an.

¹¹Max apni is txamlak an bay tilak a' mar, cax max apni an wolej tac'al bay a' miman Éufrates.

¹²¿Tzet yuj xan max ecan el is corralil an tinani' yet watx' chi yican el eb beyjom is sat an?

¹³Chi lajwi an loontok no sak txitam, c'al no xolakteal no' chi loontok an.

¹⁴Ach co Diosal, Yajaw ach Yin Masanil, meltzojantek ayon co k'ana'. Iltektac'al bay satcan tu', cax cha naon wal yuj an uva ti';

¹⁵an uva tol ach wal caw max awa', an wolej tol ach caw max acan oc yip, ayon ton a conob on ti'.

¹⁶Ak' cam yetok yowal a c'ul eb max con etnentok, cax max yak'on c'apax tz'a eb co conob on.

¹⁷Asan xin, ocan yetok jun mac max a sic'can elok, a ton cham rey tol ach caw max aoc yip.

¹⁸C'am bak'in ok jican el co ba entak. Ak' jiquisal, asan ton ach bay ok jal co ba.

¹⁹Ach Jehová Yajaw ach Yin Masanil, watx'nej on junelxa, axcac'alta' jayji on. Ilontek yin watx'il a c'ul, axa co colchaj tu'.