Read Q'anjob'al Sal 83 Bible Online

Sal 83 - Q'anjob'al bible

Sal 83

¹A bit Asaf ti' Ach in Diosal, manchak ach tz'inji, manchak ach oc wanajok.

²Iltok eb ajc'ul oc en, eb c'am chach ocheni, uchwajwom eb, cax chi caktzaj oc eb en.

³Yob tzet yetal mayal na eb watx'nen yin a conob taynebil oj.

⁴Max na eb on ul c'ayon elok, yet watx' c'am chon beytok yin nacional, cax c'amxa chon nalaytek, ayon Israel on ti'.

⁵Max yak' eb jun yobal trato en. Max wajnanen eb, junxanej max yun yelol nabal eb ti':

⁶A eb aj Edom, c'al eb Ismael, c'al juntzanxa eb yinatil xal Agar, c'al eb yet Moab,

⁷eb Gebal, eb Amón, eb Amalec, eb filisteo, eb cajan bay Tiro,

⁸toltax eb aj Asiria, max junanej ba yetok eb yinatil Lot yuj col-lay eb.

⁹Axca max ot eb Madián, axca tu' chot c'apax eb, axca max ot cham Sísara, c'al cham Jabín bay ti a' Cisón.

¹⁰A bay Endor max cam eb, max occan eb yaxilalok tx'otx' tx'otx'.

¹¹Axca max ot cham Oreb, c'al cham Zeeb, caytu' chot masanil eb is capitanil eb; axca max ot cham Zeba, c'al cham Zalmuna, caytu' chot eb is mimek yajawil eb,

¹²tol max yochej c'ul eb max occan tx'otx' a tx'otx' yetok eb.

¹³Ach in Diosal, ut cantok eb axca k'alem yuj cakxuchum, axca wal takin xak te' chi ilay bey yuj cak'ek'.

¹⁴Axca wal tojcan bolob xol te', cax chi tz'acantok witzlak yuj k'ak',

¹⁵cayokab tu' chot okten ec' eb yetok yowal a c'ul. Xibtejcan eb yetok a k'ak'alc'ulal.

¹⁶Mamin, iel q'uixwil eb, yet watx' chi tzakloj eb entak.

¹⁷Q'uixwokokab aj c'ul eb yin tojbalk'inal. Camokab eb yin q'uixwilal,

¹⁸yet watx' chi yojtaknej el eb tol asan ach Jehová ach, asan ach Cham Axac'al Ocok bay masanil yulyibank'inal ti'.