Read Q'anjob'al Sal 87 Bible Online

Sal 87 - Q'anjob'al bible

Sal 87

¹A ton bit eb yinatil Coré ti' A is cimientoal yich is conob Dios, ayay bay tzalan yet ayilal.

²Yelxac'al chi camc'ulnej Cham Jehová conob Sión yintak juntzanxa conob yet eb yinatil Jacob.

³Ach conobal Dios, jantakxa watx'il yoc k'anej chi al-lay en.

⁴Chi yal Jehová: Ajun eb aj Egipto, c'al Babilonia xol eb conoblak chi oc yin ayilal ayin. Axca wal eb aljinak bay Sión caytu' ok yun eb filisteo, eb aj Tiro, c'al eb aj Etiopía, ẍi Cham.

⁵Tix ok al-lay yin conob Sión ti': A jun ti', yetok junxa tu', max alji eb bay Sión. A wal Cham Axac'al Ocok ok cam watx'nen oc conob ti', ẍi.

⁶A Jehová ok tz'iben ay yul un bay ayay bi eb anima bay conoblak: Bay Sión max alji jun ti', ẍi.

⁷A eb cajan bay Sión ok bitnok eb, ok aj t'uknaj eb yuj tzalojc'ulal, ok yalon eb: A bay Sión chi tit masanil watx'c'ulalil jiban, ẍi eb.