Read Q'anjob'al Sal 88 Bible Online

Sal 88 - Q'anjob'al bible

Sal 88

¹Bit eb yinatil Coré jun ti', tz'ibbil yuj cham Hemán Ezrahita. Ach Jehová in Diosal ach, in Colomal ach, chin k'an a colwal wiban yet c'ualil, c'al yet ak'balil.

²Cha' in txaj ti', cax watx'nej el in k'anej xin.

³Xiwilxac'al tzet chin oni, cax yulxa k'ab camich ayintok chi wabej.

⁴Chixa je' chin oc bisilok eb camnak, c'amxa wip chi wabej.

⁵Mayal wal in beklaycantok xol eb camnak chi wabej. Axca wal eb max cam yin owal, tol mukbilxa eb tinani', cayin wal tu' chi wabej. Axca wal eb maxax tojcan c'ayc'ulal oj, tol c'amxa a colwal bay eb, cayin tu' chi wabej.

⁶Najat yich olan bay max quin acan aytok bay k'ekk'inal yet eb camnak.

⁷Max cha ba tit owal win, cax xiwilxa tzet yetal max tit wiban oj.

⁸A eb in watx'il anima, max a bescan el eb ayin, max quin acan oc yin yajbejtakil bay eb. Lajan in yetok jun presowom c'am chi je' yeli.

⁹C'amxa chin ilwi, yuj xiwil chin ok'i. Mamin Jehová, junjunc'al c'u chi wal in ba ayach, cax chin mojban aj in k'ab ayach.

¹⁰¿Chi tom a tx'ox a mayk'ak'al xol eb camnak? Tok mi wal chito wal yal eb camnak watx' k'anej ayach.

¹¹A bay mukan eb camnak, tokwal mi wal chito binaj a camc'ulal, cax tol chak' yun tzet chala'.

¹²Tok mi wal ayto eb ok ilontek a tojolal, c'al onben c'ayubtak bay k'ekk'olinakil camich, bay chi tojcan c'ayc'ulal masanil.

¹³Axa pax in, Mamin Jehová, a ayach chi wal in ba. A yet k'inibalil chin txajli ayach.

¹⁴¿Tzet wal yuj xan chin entaknej el Mamin? ¿Tzet wal yuj xan cha c'ubaj el a ba ayin?

¹⁵Ilabi, yintax wach'ejal ayinc'altok xol yailal, ijan chin cami. Max quin ekbaj ec' xol mimek yailal, maxc'al techaj wuj. Axa wal tinani' xin, majxa techaj wuj.

¹⁶A yowal a c'ul max ec'can el wiban, mayal quin ayc'ay yuj,

¹⁷cax chi oymoj oc win axca wal elom aej yin tojbalk'inal.

¹⁸A eb in watx'il anima, c'al eb wet animail max a bescan el eb ayin. Axa tinani' asan k'ekk'inal ayic' wetok.