Read Q'anjob'al Sal 97 Bible Online

Sal 97 - Q'anjob'al bible

Sal 97

¹Tzalojokab masanil tx'otx' tx'otx' ti', c'al masanil conob tilak a' mar. Tzalojokabi yujtol Rey ton Jehová.

²Manxa wal k'ekk'inalok, c'al asun oyan oc yinlak. A is yikbej a ton beyc'ulal yin tojolal.

³Lanan toj jun k'ak'ej satak Cham, cax chi tz'atok eb ajc'ul oyan oc yin.

⁴Chi sakbi el yulyibank'inal ti' yuj is rayolakil Cham, cax chi bilaj yet chi yilon is rayoal tu'.

⁵A witzlak chi uljitok axca ixcab bay satak Jehová, a ton Cham Yajaw yin masanil tx'otx' tx'otx' ti'.

⁶A satcan chi alon el is tojolal Cham, axa eb conoblak, chi yil eb is tzekekial.

⁷Q'uixwokokab can aj eb chi yak' ayilal bay yechelej, eb chi maynej ba yin yechelej tu'. Masanil eb dioslak ok yiay ba eb satak Jehová.

⁸Mamin Jehová, max yab eb aj Sión, c'al conoblak Judá yabixal a beyc'ulal, xan chi tzaloj aj eb.

⁹Mamin Jehová Achxac'al Ocok. Yajaw ach yiban masanil tx'otx' tx'otx'. Ec'ban ach yiban masanil dioslak.

¹⁰Axa ex che camc'ulnej Jehová, yajek el yobtakil; chi taynej Cham eb tol ikem bay. Chi col-lay el eb yul k'ab eb yobtakwom yuj.

¹¹Chi tzektanelay eb anima watx' nabal yuj Cham, cax chi yak'on tzalojc'ulal bay eb ayoc yin tojolal.

¹²E masanil ex anima tol watx' e nabal, tzalojanek yuj is watx' yunben Jehová, cax che yalon watx' k'anej bay Cham.