Read Q'anjob'al Pr 28 Bible Online

Pr 28 - Q'anjob'al bible

Pr 28

¹A junok yobtakwom, chi toj elajok, caxc'al c'am mac chi ukteni; a pax eb watx' is nabal xin, tec'an chi yut ba eb axca no coj.

²Ta yob tzet chi yun junok conob, txololixac'al yec' eb yajaw, palta tec'an yayji junok nación, tatol aj nabal is yajawil, chi je' yion bey yin watx'il.

³Ta a junok meba' ayoc yin yajawilal, chi etax eb meba' yuj, a jun tu' lajan wal axca junok owal yaxnab chi etnen el sat awoj.

⁴A mactxel chi yican el ba yintak ley, caw wal chi tzaloj yetok eb yobtakwom; a pax mac chi iken ley xin, chi oc ajc'ulal yin eb.

⁵A eb yobtakwom, tok chi nachaj el tojolal yuj eb, a pax mactxel tol chi yaoc ba yul k'ab Jehová xin, chi nachaj el yuj.

⁶Yelxac'al watx', caxc'al meba' on, palta tol watx'okab co nabal, yintak pax tol beyom on, cax asanc'al yobtakil chi co na'.

⁷A eb uninalej tol aj nabal, chi yikej eb masanil is ley Dios; a pax mac chi ec'jab yin yobtakilal xin, q'uixwil is mam chi yi elok.

⁸A mactxel xiwilxa is beyomal yin k'anon yuca' is tumin, chi wajbaj ec' bulan is beyomal tu' yet chi cancan yul k'ab mac chi ok' c'ul yin eb meba'.

⁹Ta ay junok tol c'am chi yochej chi yab is ley Dios, cay c'apax tu', man ok yab Dios is txaj.

¹⁰A mac chi yiaytek sat eb watx' yet chi yun eb yobtakilal, a jun tu' ok ayc'ay bay yul is yal chi watx'nej ayok; a pax eb anima c'am is mul xin, asan watx'ilal chi cha eb.

¹¹A junok beyom, chi na' tol xiwil tzet chi je' yuj; palta a junok meba' aj nabal, chi je' yilon oc is nabal jun tu'.

¹²A yet chi yion eb watx' beybal yikbej, caw wal chi cha eb anima k'in; axa ta a eb yob nabal chi yi yikbej xin, chi toj c'ubaj el ba eb anima.

¹³A mactxel chi c'ubaj el is mul, man watx'ok ok elocok; axa pax mactxel chi yalil is mul, cax chi bekoncanok, a jun tu' ok ak'lay mimanc'ulal yiban.

¹⁴Caw wal tzalojc'ulal yet eb anima tol ayc'al yelapnok Jehová yul sat; a pax mac pit is nabal xin, ok ayc'ay yatakilal yiban.

¹⁵Axca junok coj chi el yaw, ma axca junok no oso tol ay is wajil, caywal tu' eb yobtakwom ayoc yajawilalok junok conob tol meba'.

¹⁶A junok yajaw tol chi yetnej yet animail, c'am is nabal, a pax junok tol man ochewomok yion tzet yetal yin yobal, a jun tu' ok najatilbok is k'inal.

¹⁷A mactxel tol mayal mak'cam junok anima, c'amxa chi oc waanok masantac'al chi yal yapni oc bay cambal; c'amokab mactxel chi tenon oc wanajok.

¹⁸A junok anima watx' is nabal, chi col-lay elok; a pax mac yobtak is nabal xin, ok ayc'ay yin yatakilal.

¹⁹A mactxel chi mulnaj bay is tx'otx', a jun tu' caw wal chi yak' sobra is lobej; a pax mactxel chi yak' yip yin tzet yetal nabac'al chi na' sayoni, a tzet ok ilchaj yuj, a ton mebil.

²⁰A mactxel watx'c'al is nabal, a jun tu', caw wal chi aj can; a pax mactxel chi yochej aymanxac'al chi oc yin beyomal xin, a jun tu' yowalil ok yab yailal.

²¹Caw wal man watx'ok, ta ay q'uexanil anima yul co sat; toltax yuj junok bijan loj chi oc co mul.

²²A mactxel chi yak' yip yet chi oc beyomal yin aymanil, yujtol chi yochejc'al xiwil tzet yetal, man yojtakok tatol ok jayoc mebil yiban yuj.

²³A yet ok beyc'altok tiempo, miman yelapnok eb max on tenchaneni, yintak pax eb max tz'ak yal watx' k'anej jin.

²⁴A mac chi naon tol man yobok yet chi yelk'anej is tzet yetal is mam, c'al is txutx, lajan nabal axca eb mak'om cam anima.

²⁵A mactxel xiwilxac'al tzet chi yochej, chi yiaj can owal; a pax mactxel chi yaoc Jehová yipok c'ul xin, caw wal chi aj can.

²⁶A mac chi yaoc ba yipok c'ul, c'am is nabal; a pax mactxel chi k'anlej is nabal bay eb jelan xin, caw wal watx' chi elocok.

²⁷A mactxel chi colwaj bay eb meba', c'am tzet ok majax bay; a pax mac c'am tzet chi yak' xin, xiwil mactxel yob ok yal yin.

²⁸A yet chi oc eb yobtakwom yin yajawilal, chi toj eb anima c'ubaj el ba; a yet chi c'ayil eb yobtakwom tu', axa eb tojol chi aj can eb.