Read Q'anjob'al Pr 7 Bible Online

Pr 7 - Q'anjob'al bible

Pr 7

¹Ach in c'ajol, cha wal ab in k'anej ti'; a juntzan in chekbanil ti', tol cha c'ubaj wal yin a nabal.

²Ikej in chekbanil, c'al in cuybanil; tol cha ya'ilnej wal axca neneal a bak' sat, yet watx' ok ach iquisbokc'al ec'ok.

³Naanokabc'al oj, cax cha c'uban wal yin a nabal.

⁴Camc'ulnej jelanilal axca anab, c'al aj nabalil axca wal junok a watx'il anima.

⁵Caytu' ok yun a colchaj el yul k'ab ix ajmul ix, a ton ix ay yajaw tol watx'xac'al yoc is k'anej.

⁶Ay jun c'ual max wililtek bay yulak is rejail is wentenail in na.

⁷Ay juntzan ach'ej tol c'am is jelanil; max cam wal wilon jun tol yelxac'al c'am is nabal xol eb tu'.

⁸A yet lananxa yayc'u, axa k'ekbi ay tu', max apni oc bay junok esquina cax max k'axponen ec'tok calle, bay yetc'ulal bay ay na junok ix ajmul ix.

¹⁰Axa yeltek lemnaj ix ix tu' ul chaoni, axca pichay eb ajmul ix, axcac'al is nabal eb ix tu'.

¹¹Comonc'al chi k'anjabi, c'am chi q'uixwi, c'am chi ayji bay yatut.

¹²Asanc'al yulak calle chi ayji ec'ok. Bay txonbal, c'al bay txiquinlak calle, chi yechbanej yec' junok winak bay tu'.

¹³A jun ix tu' max oc lak'anok, cax max tz'ublay el ti' nak ach'ej tu' yuj, cax max yalonxac'al yin c'am q'uixawilal axca ti':

¹⁴A tinani' max wak' in xajanbal yet junc'ulal, tol albilxa wuj, xan ay chibej bay in na tinani'.

¹⁵Yuj tu' xan max in eltek ach ul in chaoni; caw wal chi wochejxac'al chi wil oc en. Ti' wal mayal ach chaloj wuj tinani'.

¹⁶A bay yiban in tx'at mayal in watx'nej ay jun sábana naba lino chi tit bay Egipto.

¹⁷Mayal waoc perfume yin, tol sumumixac'al jabil, a ton mirra, áloe c'al canela.

¹⁸Sebach wetok, ok co lajlejxac'al oc co camc'ulal jin junjun on; tol wal chi jak' tzalojbok co c'ul yetok jun camc'ulal tu', masantac'al ok yal sakbi elok.

¹⁹Yujtol a nak wichamil c'am nak ayic' bay na ti'; max toj nak yin jun is viaje najat.

²⁰Max yitok jun tx'uy ch'en tumin, xan majtoc'al meltzojok, masantac'al yet c'ual tol tec'anxa xajaw, ẍi ix ix tu'.

²¹A yuj is k'anej tol manxa watx'ilok yalon tu', xan jun wal bek max monchaj nak ach'ej tu' yuj.

²²Axa toj yintak ix tu', axca wal yilaytok junok wacax bay ok mak'lay camok, ma axca junok no tx'ucchej chi ayc'ay yul junok tx'an yal,

²³masantac'al chi ec'tok junok julbalej yul is pixan. Ma axca c'apax junok no tz'iquin chi toj yul junok tx'an yal, c'am chi na' tatol a bay tu' ok low yin.

²⁴Yuj tu xin ach in c'ajol, ab wal tzet ok wala'. Taynej ab in k'anej ti'.

²⁵Manchak etnej el a nabal yin junok ix ix axca tu' is nabal; manchak ak' c'aytok a ba yuj ix.

²⁶Yujtol xiwil mactxel mayal yak' cam ba yuj ix tu', xiwilxa is camnak mayal toji.

²⁷Tatol chach toj yul beal yatut ix tu', axca wal tol lananxa a tojcan bay yul beal camich.