Read Q'anjob'al Cnt 8 Bible Online

Cnt 8 - Q'anjob'al bible

Cnt 8

¹Matawal in nuej ach ach ti', matawal junnej imej max co tz'ubu'. Mata axca tu xin, a yet chach in chaon bay yulak calle, chi mi je' in tz'ubon el a ti' cax c'am mi mactxel chi alon in k'umal.

²Chi mi je' ach wiontok bay yatut in txutx, chach mi wiwal octok yul na tu', ach mi wal chach oc in meẍtolok. Ayin mi wal caw chi wak' vino manxa watx'ilok oq'uej, c'al yal te' in granado.

³A a q'uexan k'ab ayoc yalan in jolom, axa a watx' k'ab chin lak'oni, ẍi ix.

⁴Ex k'opoj aj Jerusalén, ak'ek e ti' ayin, tol c'amxa che yak' yochej ajok masantac'al a' ok ochenok, ẍi nak.

⁵¿Mactxel jun ix chi tit bay tz'inan tx'otx', tol pakan ay bay yiban jolom xic' is camc'ulnebil? ẍi eb. A bay yich jun te mansan, a bay tu' max in xibtej el a wayan. A bay tu' titnak yail c'ul a txutx yet max ach alji.

⁶C'amokab chi cha a c'ul junokxa camc'ulal; palta asanokab wet chi cha a c'ul. C'amokab junokxa mactxel cha lak'a'; palta asanokab in chin a lak'a'. A camc'ulal ay yipalil axca camich. Axca mukbanil camnak tol c'am chi bekil tzet mitx'bil yuj, caytu' yayji co camc'ulal. Axca wal tzak'ak' tol caw wal chi aj xak, caytu' yayji.

⁷A masanil a' mar, c'am chi tzakay a' yak'on tan jun camc'ulal ti'; tamwal yowal a' mimek aej, c'am chi je' yak'on tanok. Ta ay mac chi yaltej masanil tzet yetal ay bay yatut yin manon jun camc'ulal ti', toc'al mi chi buchlaycan elok, ẍi ix.

⁸Ay jun ix janab tzunan unin, tol c'amto yim ix. ¿Tzet watx' ok jun yetok ix ta chi jayoc k'anomal ix?

⁹Ta lajan ix yetok junok muralla, chi mi co watx'nej aj cabok torre plata yin. Ta lajan axca junok puerta, chi mi co watx'nej yetok chemte' naba c'ute', ẍi eb nak.

¹⁰Ayin ti', lajan in wal axca junok muralla; axa wim, lajan wal axca juntzan torre, xan caw wal chi tzalojc'ul in camc'ulnebil wetok.

¹¹A cham Salomón, ay jun is yawoj uva bay Baal-hamón. Chi yak'can yul k'ab juntzan eb chi taynen tu'. A yet ok wajlay sat uva tu', ok yak' eb nak mil bijan ch'en plata junjun bay cham.

¹²Ayokab jun 1000 bijan ch'en plata Salomón, c'al 200 yet eb nak chi taynen tu'; axa in xin, ay wawoj uva yul wet; asan in chin na' tzet chi wutej, ẍi ix.

¹³Chi wochej chi wab yul a nuk', ach in camc'ulnebil, tol ayach ec' xol awoj. Ac'ala' eb jamigo, chi yochej eb chi yab c'apax yul a nuk', ẍi nak.

¹⁴Yelc'ulal chach tit ayin, ach in camc'ulnebil; ak' anej axca junok no tx'ucchej, axca wal junok no yune' tx'ucchej bay tzalanlak bay chi awlay incienso, ẍi ix.