Read Q'anjob'al Is 12 Bible Online

Is 12 - Q'anjob'al bible

Is 12

¹A yet tu' ok e yal axca ti': Chi jal yuj diosalil ayach Mamin Jehová, caxc'al max tit wal owal jin; palta mayal ec'tok yowal a c'ul, lanan con a mimanc'ulnen yuj jantak a watx'c'ulal chak' ayon.

²Yel wali, a ton Dios co Colomal yayji, a' ayoc yipok co c'ul tinani', cax c'amxa chon xiwi. Chon bitni bay Jehová, yujtol a chi ak'on jip, max on is col c'apaxok, quex chi.

³A mactxel ay is takintial, yinxac'al tzalojc'ulal chi yuc' a' aej chi ajol nuk'; caywal tu' ok yun tzaloj e c'ul yet chex col-lay el yuj Dios.

⁴A yet tu xin, ok jalek axca ti': Jalek yuj diosalil bay Jehová, jalek watx' k'anej bay. Jalek el bay xolak masanil conob tzet yetal max yun Cham, yet watx' chi natek eb, tol a Jehová, Cham Axac'al Ocok, cax c'am junokxa axca.

⁵Bitnokonek bay Jehová yujtol yelxac'al miman yelapnok tzet max yunej, tol yowalil chi ojtaknelay el bay masanil yulyibank'inal ti'.

⁶Ayon cajyom on bay Sión, elokab jaw yin tzalojc'ulal, yujtol a co Diosal ayon Israel on ti', Asanxanej ocok. Caw wal ay is may, ay c'apax ec' co xol, quex chi.