Read Q'anjob'al Is 20 Bible Online

Is 20 - Q'anjob'al bible

Is 20

¹A Sargón reyal Asiria, a max chektok is comandante yetok eb soldado bay conob Asdod, yuj yak'on eb owal yin, cax max ayc'ay yuj eb.

²A yet max oc owal tu', max yalon Jehová bay Isaías c'ajol Amoz axca ti': Iel jun el pichilej ayoc oj tu', c'al a xanab, ẍi Cham. Max yiken Isaías yunen axca tu', max yion el is xanab c'al is pichil, asanxanej yul is pichil max can yin.

³Lajwi tu xin, max yalon Jehová: A in chekbej Isaías, yin oxeb abil max ec'jab yin c'am oc is xanab, asan yul c'apax is pichil ayocok yuj tx'oxbanilal yin Egipto, c'al yin Etiopía.

⁴Yujtol a reyal Asiria ok iontok eb aj Egipto, yetokc'al eb aj Etiopía yin presoal, caxc'al icham anima ma ach'ej, ok ilaytok eb yin c'am xanab eb ayocok, c'al yin tol t'iran el eb, toltax is chop eb t'iran eltek yuj yel q'uixwil eb.

⁵A wal eb anima max yaoc Egipto, c'al Etiopía yipok is c'ul, ok xiwcan aj eb, c'al q'uixwi aj eb yuj tzet ok utlay cab conob tu'.

⁶A wal yet jun tiempoal tu', ok yal masanil eb cajan bay tilak a' mar ti': Ilek wal tzet max yuncan mactxel tol ayoc yipok co c'ul, mac bay chi jal co ba, cax chi co k'anon colwal jetok, yet ok on is col bay reyal Asiria jaloni: ¿Tzetto wal ok yun co colon co ba ayon ti'? ẍi eb, ẍi Cham.