Read Q'anjob'al Is 25 Bible Online

Is 25 - Q'anjob'al bible

Is 25

¹Mamin Jehová, in Diosal ach. Ayin ti' ok wal watx' k'anej en, yujtol mayal ak' yun tzet yetal c'ayubtak nabil oj, tol watx' yayjican yettaxc'al payxa.

²Axcaxac'al junok bulan ch'en ch'en max yuncan juntzan conob oj. A conoblak tol caw wal tec'an yayji, mayal pojcantok. Mayal ak' lajwok ay is despacho eb ajc'ul oc jin, c'amxa yechel ok ca watx'nelay aj junelxa.

³Yuj tu xin, a eb anima yaxc'ayinak, ayxa elapnok yul sat eb, ok xiw eb anima yelxac'al ay yip ayach.

⁴Yujtol a ayach chi je' colon ba eb meba', tol is Colomal ach eb ayoc yin yailal yuj cawxinakil. A juntzan anima caw wal yob c'ul, lajan wal eb axca owal yax nab, lajan c'apax eb axca k'ak'al yakan c'u bay takin tx'otx'. Palta ach chon ebaj axca junok ch'en ch'en; chon eban bay junok owal yax nab, c'al bay yowal yakan c'u.

⁵Caywal tu' chi yun eon ay is maynejbail eb ajc'ul oc jin. Axca wal yoc numnaj yowal yakan c'u yet chi oc yewanil junok asun, caywal tu' chi yun bekon eb yob c'ul yel yaw oj.

⁶A bay tzalan Sión ti', a ok watx'nej Jehová Cham Yajaw yin Masanil junok miman loj bay masanil nacionlak, wal loj tol manxa chialok, c'al vino axac'al ocok.

⁷A bay jun tzalan ti' ok yiel Jehová cusc'ulal ayoc yiban masanil nación, axca junok k'apej bac'an oc yin junok anima.

⁸Ok yak' lajwok Jehová camich yin junelnej. Ok joc'ay Cham yal sat masanil anima, cax ok c'ayaj bay masanil yulyibank'inal is q'uixawc'ulal is conob yuj. Cay wal tu' yaloncan Cham.

⁹A yet jun c'ual tu' ok jal axca ti': A ton wal Jehová co Diosal ti', asan wal Cham max jaoc yipok co c'ul, yujtol a' max on colon elok. Jak'ek wal tzalojbok co c'ul, yujtol a Cham max on coloni, con chiek.

¹⁰A wal Jehová ok taynen tzalan Sión ti'. Axa Moab, lanan tec'lay ay yuj Cham bay yul is conobal, axca chi yun tec'lay aytok an ch'im xol tza' no no' ay yul junok olan.

¹¹Chito wal el jaan is k'ab Moab tu', axca chi yun junok chi mak'on a' aej; caxc'al chito yak' yip, palta ok lajwok ay is maynejbail yuj Cham.

¹²Ok ayc'ay mimek murallail conoblak eb yuj Jehová. Ok yuchayok, cax toxac'al ok aycan wekan sat tx'otx' yuj.