Read Q'anjob'al Os 8 Bible Online

Os 8 - Q'anjob'al bible

Os 8

¹¡Xu a trompeta! Chi jayoc lemnaj eb ajc'ul yiban in conob axca junok no tx'acbaj, yujtol maj yikej eb in trato max wak' yetok eb, max tenon eb in cuybej.

²Caxc'al chi yal eb ayin: Co Diosal ach, caw wal chach jojtaknej elok, ẍi eb,

³palta a Israel mayal yintaknej el tzet yetal watx', yuj tu' xan ok uktelay eb yuj eb is yajc'ul.

⁴C'am chi yal eb ayin yet chi yaon oc eb is reyal, tokwal chi yal eb ayin yet chi yaon oc eb is yajawilal tu'. A yetok is plata eb, c'al is yoro eb max watx'nej aj eb is diosal, ac'al oc juntzan tu' chi ak'on low yin eb.

⁵Caw wal chin yaj jun ch'en wacax bay chi oc eb aj Samaria yin ayilal, xan ok tit yowal in c'ul yin eb. Ma txequel bak'in ok bek Israel jun yobtakil tu'.

⁶Man diosok jun yechel wacax tu'. Watx'nebil yuj junok watx'nem yechelej, xan yin bijquiltakil ok yuncantok.

⁷Yob tzet max yun eb, xan yelxac'al yob tzet ok jay yiban eb. C'am is yawoj eb ok wajajok, tokwal ay harina ok yi' eb yin is jolom trigo. Talaj c'uxan ay janic'ok chi yi eb xin, axa eb tx'ok conobal ok loontok bay eb.

⁸A conob Israel, ok ak'lay lajwok. C'amxa jabok yopiso jun conob ti' yul sat juntzanxa conob.

⁹A conob Israel caw wal c'amxac'al is nabal. Lajanxac'al axca junok no xolakilteal burro, axac'al chi naon bay chi ca toji. Max toj conob Efraín k'anon colwal Asiria yetok. Max tojlanej mac chi colwaj yetok.

¹⁰Caxc'al chi tojlanej juntzanxa nación yet chi col-lay yuj eb, ayin Jehová in ok in wajbaj oc eb, yuj yaben eb yail yuj yetnewomal eb rey c'al eb yajaw.

¹¹A conob Efraín, xiwil altar chi watx'nej ajok yuj yel is mul yaloni, palta yuj juntzan altar tu' xan chi aj can yaon oc is mul.

¹²Caxc'al xiwilxa cuybanilej max wak' tz'ibelay bay, palta comon k'anej c'al max yuncan yul sat eb.

¹³Chi yak' eb xajanbal ayin, cax chi chion eb no', palta c'am chin tzaloj yetok eb. Chin natek is yobtakil eb, cax ok waon oc yailal yiban eb. Ok wak' meltzoj eb junelxa bay Egipto.

¹⁴A Israel chi watx'nej aj is despacho; palta mayinxa naanok yuj eb, ti' pax ayin max in watx'nej eb. A Judá xiwil conob ayoc is murallail chi watx'nej ajok; palta ok wak' tz'a is conob, c'al cuartel tu' yetok k'ak'ej, ẍi Jehová.