Read Q'anjob'al Jon 2 Bible Online

Jon 2 - Q'anjob'al bible

Jon 2

¹Atac'al bay yul c'ul no txay tu' max txajli Jonás bay Jehová is Diosal,

²cax max yalon axca ti': A wal nan xol in yailal ti' max aj waw ayach Mamin Jehová. Max ach tak'wi ayin, yet wal ayin ec' bay cambal. A bay tu' max aj waw ayach, cax max in abej.

³Atac'al bay najabil yich a' mar max in a k'okaytok, toxc'a max yoy ba a' aejlak win. A a' mimek aejlak max eq'uel a' wiban.

⁴Caxc'al max in na' tol max in elcan yin junelnej a satak, palta wojtak tol okto wil yin a templo tol et yayji ocok.

⁵Max in mukaycantok yuj a' aej. Max in toj wal bay najatilal yich a' mar. Max oc bac'an juntzan ac'un ay yulak a' tu' yin in jolom.

⁶Max in paxxac'al ay bay yichlak witz. Junelnej max in makayxac'al cantok bay tu' waloni; palta ach ti' Jehová, ach ton in Diosal ach, max in a colcan el bay camich.

⁷A wal yet lananxa lajwi in cawil max wabej, cax max ach nachajtek wuj Mamin. Max apni oc in txaj a satak bay a templo.

⁸A mac chi tzakloj yintak yechelej chi al-lay oc diosal, c'amxa elapnok yul sat eb;

⁹palta ayin xin, chi aj waw yin aloj yuj diosalil ayach. Chi wak'on in xajanbal, cax ok wiken bay max wak' in ti' ayach. ¡Asan ach chi je' a colwaj Mamin! ẍi Jonás.

¹⁰Lajwi tu xin, max ak'lay yun no' miman txay tu' yuj Jehová, tol max toj xayelay ajtek Jonás tu' yuj no' bay sat tx'otx' ti a' mar.