Read Q'anjob'al Nm 13 Bible Online

Nm 13 - Q'anjob'al bible

Nm 13

¹Max yalon Jehová bay cham Moisés axca ti':

²Atok jaywanok eb winak yet chi toj yil eb tx'otx' Canaán, tx'otx' ok wak' ayex. Cha siq'uil junjunok eb yajaw yayji bay junjun tribu, cax cha chekontok eb, ẍi Jehová.

³Max yikej cham Moisés chekbanilej max yal Jehová. Max el eb sic'bil el tu' yul yet Parán, max toj eb yila' tzetbil yayji tx'otx' Canaán. Yajawc'al yayji eb tu' xol eb yet conob.

⁴Axca ti' yoc is bi eb c'al tzet tribual:

⁵Samúa, is c'ajol Zacur, yet is tribual Rubén; Safat, is c'ajol Horí, yet is tribual Simeón; Caleb, is c'ajol Jefone, yet is tribual Judá; Igal, is c'ajol José, yet is tribual Isacar; Oseas, is c'ajol Nun, yet is tribual Efraín; Palti, is c'ajol Rafú, yet is tribual Benjamín; Gadiel, is c'ajol Sodi, yet is tribual Zabulón; Gadi, is c'ajol Susi, yet is tribual José, chi yal elapnok is tribual Manasés; Amiel, is c'ajol Jemali, yet is tribual Dan; Setur, is c'ajol Micael, yet is tribual Aser; Nahbi, is c'ajol Vapsi, yet is tribual Neftalí; Geuel, is c'ajol Maqui, yet is tribual Gad.

¹⁶A ton is bi eb max chektok cham Moisés toj yilon tx'otx' Canaán. (Max q'uex cham Moisés is bi Oseas is c'ajol Nun tu', Josué xa max yikcan yuj cham.)

¹⁷A yet max yaontok cham Moisés tu' eb ilom tx'otx' bay Canaán, max yalon bay eb axca ti': —Asek xin, a tu' chi ca e toj bay Néguev, cax chex ajtok bay siquilal tx'otx',

¹⁸cax che yilon wali tzetbil wal yili tx'otx'. Che yilon c'apaxok tzetbil wal yili anima ay bay tu', tec'an mi eb, ma choytakxa eb. Chi cam e yilon c'apaxok, xiwil mi eb, ma c'am wal tx'ial eb.

¹⁹Che yiloni, yulak mi mantiado cajan eb anima tu', ma tol oybil aj is conob eb yuj muralla, ta watx' tx'otx', ma yob,

²⁰ta yax sat tx'otx', ma takin sat tx'otx'. Che yiloni ta ay is teal tx'otx'. C'am chex xiwi, ta ay sat awoj bay tx'otx', che yitek janic'ok jila', ẍi cham bay eb. C'uxanc'al is tiempoalxa an babel sat uva yet max betic' eb.

²¹Max el eb bay takin tx'otx' Sin masantac'al max apni oc eb bay Rehob, bay cawilal Hamat.

²²Max oc eb bay Néguev masantac'al max apni eb bay Hebrón. A tu' ay is conob Ahiman, Sesay, c'al Talmai, is yinatil Anac. Ukebxa abil tz'unchaj Hebrón tu' yet max watx'ji conob Zoán bay Egipto.

²³A yet max apni oc eb bay jun ac'al chi yik Escol, a tu' max tzoq'uil eb jun chaan an uva, max c'alon oc eb yin jun te te'. Cawan eb max iontok, max yaon ajtok eb jolom is xic', cax max yion c'apaxtok eb granada c'al higo.

²⁴Escol*fn* max yikcan jun ac'al tu' yuj eb beytzem tx'otx', yujtol a tu' max xikil eb jun chaan an uva tu'.

²⁵Max lajwi yilon eb tx'otx' tu' yin cawinak c'u, cax max meltzoj eb

²⁶bay Cades, bay takin tx'otx' Parán. A tu' ayic' cham Moisés yetok cham Aarón yetok masanil eb yet israelal eb. Lajwi tu xin, max oc ijan eb yalon bay eb tzetbil wal yili tx'otx' tu', c'al yak'on eb te sat te' chi loji max yitek eb bay tx'otx'.

²⁷Max yalon eb bay cham Moisés axca ti': —Mayal bet jil tx'otx' tx'otx' max ala', wal yel caw wal watx' tx'otx', caw wal tol yax sat, tix wal sat awoj chi el bay sat tx'otx' ti'.

²⁸Palta a eb anima cajan bay tu' caw wal tol tec'an eb, caw wal mimek conob yayji is conobal eb; ayoc is murallail yinlak is conob eb tu'. Yetok c'apaxok, max jil yin eb nak winak puch mimek is tel, a ton eb yinatil Anac.

²⁹Axa eb amalecita cajan sat tx'otx' Néguev, axa pax bay siquilal tx'otx' c'al bay tzalanlak, a tu' cajan eb heteo c'al eb jebuseo yetokc'al eb amorreo. A bay tilak a' mar c'al bay tilak a' Jordán, a eb cananeo cajan bay tx'otx' tu'.

³⁰Axa yalon Caleb bay masanil eb israel waan oc satak cham Moisés, tol chi tz'inji ay eb, max yalon axca ti': —A tinani' tonek, jetc'alta' yayji tx'otx'; toc'alta' ok el eb nak tu' juj, ẍi Caleb.

³¹Axa tak'wi juntzanxa eb winak max betic' yetok tu' axca ti': —Maj je' jak'len owal yetok eb conob tu', caw wal tec'an eb jintak, ẍi eb.

³²Max yalon eb xol conob Israel xin, tol a jun tx'otx' max bet yil eb tu' yob tx'otx'. Max yalon pax eb: —A tx'otx' max bet jil tu' chi cam anima yuj tx'otx'. A masanil eb anima max jil bay tu', caw wal tol mimek winakc'al el eb.

³³Cax max jilon c'apax eb mimek is tel, is yinatil Anac. A yet chon oc lecan c'atan eb, lajanxac'al ch'an chi juncan axca no chapulín xol yakan eb. Ac'ala' caytu' chon yut yilon c'apax oc eb, ẍi eb.