Read Q'anjob'al Nm 29 Bible Online

Nm 29 - Q'anjob'al bible

Nm 29

¹A yet babel c'ual yet is suk xajaw, ay junok wajayil che yunej. A yet jun c'ual tu' c'am junok mac chi mulnaji. A jun c'ual tu' c'ual yet chi xulay ch'en trompeta.

²Che yak'on tz'a juntzan xajanbal watx' chi yab Jehová: jun no ach'ej wacax, jun no icham calnel yetok ukc'on no ach'ej calnel tol jun abil is k'inal. A masanil juntzan no no' ti' c'am jabok is tacnakil.

³Che yak'on c'apax ixim harina chi ak'layc'alta' yetok, sombil yetok aceite, 12 libra yetok no wacax tu', 8 libra yetok no icham calnel tu',

⁴4 libra yetok junjun no ach'ej calnel tu'.

⁵Cax chi ak'lay c'apax junok no mam chiwo yin xajanbalil yet chi tancan el e mul e yiban.

⁶Cax chi ak'lay c'apax xajanbal chi ak'layc'alta' yet junjun xajaw yetok c'apax xajanbal chi ak'layc'alta' yet junjun c'u, yetokc'al harina c'al vino chi ak'layc'alta'a, axca wal max yun yalon Jehová. A juntzan tu' a ton ofrenda chi tz'a'i caw wal watx' chi yab Cham.

⁷A yet 10 waay yet is suk xajaw tu', che wajbaj c'apax oc e ba yuj e yoc yin ayilal, chex oc yin c'ajbanc'ulal yet jun c'ual tu', c'am junok mac chi mulnaji.

⁸Che yak'on tz'a juntzan xajanbal watx' chi yab Jehová, jun no ach'ej wacax, jun no icham calnel yetok ukc'on no ach'ej calnel jun abil is k'inal. Masanil juntzan no no' ti' c'am jabok is tacnakil.

⁹Cax che yak'on c'apax yetok ixim harina caw wal watx', sombil yetok aceite, 12 libra yetok no wacax, 8 libra yetok no icham calnel,

¹⁰4 libra yetok junjun no ach'ej calnel tu'.

¹¹Cax che yak'on c'apax junok no mam chiwo yin xajanbalil yuj mulej, yetok c'apax xajanbal chi ak'lay yet c'ual chi ak'lay tan mulej, c'al yetok xajanbal chi ak'layc'alta' yet junjun c'ual, yetok harina c'al yetok vino.

¹²Ac'ala' yet 15 waay yet is suk xajaw che wajbaj oc e ba yin e yoc yin ayilal. A yet jun c'ual tu' c'amc'al mac chi mulnaji. Ukeb c'ual che cha' k'in yuj e yion aj can Jehová.

¹³A junjun c'u yet k'in tu' che yak'on tz'a juntzan no no' yin xajanbalil, caw wal watx' chi yab Jehová: cac'on no' icham calnel, yetok canlajonc'on no ach'ej calnel junjun abil is k'inal. Masanil juntzan no no' ti' c'am jabok is tacnakil no'. Yetokc'al harina chi ak'lay yin ofrendail soman yetok aceite: 8 libra yetok junjun no icham calnel, c'al 4 libra yetok junjun no ach'ej calnel tu'. Cax che yak'on c'apax junok no mam chiwo yin xajanbalil yuj yak'lay tan mulej, yetok c'apax xajanbal chi ak'layc'alta' yet junjun c'u c'al yetok harina c'al vino chi ak'layc'alta' yetok, yin ofrendail. A yetok juntzan no no' tu' che yak'on c'apax oxlajonc'on no ach'ej wacax yet babel c'ual, lajcawc'on no' yin yet is cab c'ual, usluc'on no' yin yet yox c'ual, lajonc'on no' yin yet is can c'ual, balonc'on no' yin yet is so' c'ual, waxakc'on no' yin yet is wak c'ual, ukc'on no' yin yet is suk c'ual. A yetok junjun no ach'ej wacax chi ak'lay 12 libras harina watx', sombil yetok aceite. Chi tz'a juntzan no' ti' yin xajanbalil,(...)

³⁵Axa yet is waxak c'ual xin che wajban oc e ba yin e yoc yin ayilal; c'amc'al mulnajil che yun yet jun c'ual tu'.

³⁶Cax che yak'on tz'a junok no ach'ej wacax yin xajanbalil watx' chi yab Jehová, yetok junok no icham calnel c'al ukc'on no ach'ej calnel jun abil is k'inal, masanil juntzan no no' ti' c'am jabok is tacnakil.

³⁷A yetok juntzan no xajanbal ti' che yak'on c'apax juntzanxa ofrenda axcac'al max e yak' yet babel c'ual.

³⁸Che yak'on c'apax junok no mam chiwo yin xajanbalil yuj yak'lay tan e mul, yetok c'apax xajanbal chi ak'layc'alta' yet junjun c'u, c'al yetok harina c'al vino chi ak'layc'alta' yetok yin ofrendail.

³⁹A ton juntzan xajanbal ti' yowalil chi ak'lay bay Jehová yet k'in tol txequel yayji c'ual. A yetok juntzan ti' chi je' e yak'on c'apax ofrenda tol max e yak' e ti' e yak'oni, ma junok ofrenda toc'al chi el yin e c'ul e yak'oni. Chi je e yak'on yin xajanbal tol chi tz'a'i ma ofrenda yin harina ma yin vino ma xajanbal yet junc'ulalil.

⁴⁰Caywal tu' max yun yalon cham Moisés bay eb israel, masanil tzet max yal Jehová.