Read Q'anjob'al Jos 16 Bible Online

Jos 16 - Q'anjob'al bible

Jos 16

¹A tx'otx' max yi' eb yinatil José max chail yich bay yetc'ulal yichcan bay a' Jordán, bay can ayajok, bay chi ajol nuk' a' aej yul yet Jericó, cax chi tojc'al bay tz'inan tx'otx', bay jun miman witz chi tojtac'al bay Jericó tu', cax chi apni oc bay Betel, ac'al oc chi yik Luz.

²Cax chi ec'tok bay is tx'otx' eb arquita masantac'al chi apni oc bay Atarot.

³Chi toj pax bay yetc'ulal yayubc'u bay is tx'otx' eb jafletita, masantac'al chi apni oc bay mojonal Bet-horón ay bay yalan, cax chi apni c'apax bay Gezer, chi el c'apax apnok bay a' mar Mediterráneo.

⁴A ton tx'otx' ti' max cha' is satakok is tribual Manasés, yetok Efraín, is yinatil José.

⁵A mojonal is tx'otx' tribual Efraín max beyc'altoj bay yichcan, max toj bay Atarot-adar, masantac'al bay Bet-horón, bay yiban atac'ala' jayeb makan yayji eb,

⁶max apnitac'al oc bay a' mar Mediterráneo. A bay norteal is tx'otx' eb tu', a tu' ay Micmetat, max beytoj pax is mojonal bay yetc'ulal bay chi ajol c'u, masantac'al chi apni bay Taanat-silo, chi lajwi tu' chi ec'tok bay Janoa,

⁷cax chi ayapnok bay Atarot, c'al bay Naarat, cax chi michchajtok Jericó yuj; axa yayapnok bay a' Jordán tu'.

⁸Chi toj pax bay Tapúa, cax chi tojcan is mojonal bay yayubc'u, masantac'al chi apni oc bay a' aej yul yet Caná, bay a' mar Mediterráneo. A ton tx'otx' tu' max yi' is tribual Efraín, cax caytu' max yun pojlay ec' xol junjun makan eb.

⁹Ayto c'apax juntzanxa conob c'al juntzanxa aldea yul is tx'otx' is tribual Manasés, max yican eb yet Efraín yet c'apaxok.

¹⁰Palta a eb is tribual Efraín, maj uktelay el eb cananeo cajan bay Gezer yuj eb. Caxc'al max ak'lay pural eb yak'on tojlabal, palta cajantoc'al ec' eb cananeo tu' xol eb tinani'.