Read Q'anjob'al Jos 19 Bible Online

Jos 19 - Q'anjob'al bible

Jos 19

¹Axa tx'otx' yet is cab, max oc suerte yin, a ton tx'otx' max yi' eb is tribual Simeón, atac'ala' jayeb makan yayji oc eb. A jun tx'otx' tu' chi cancan yul is makbej is tribual Judá,

²a ton juntzan conob ti': Beerseba, Seba, Molada,

³Hazar-sual, Bala, Ezem,

⁴Eltolad, Betul, Horma,

⁵Siclag, Bet-marcabot, Hazar-susa,

⁶Bet-lebaot c'al Saruhén. 13 conob yayji yetokc'al is yaldeail.

⁷Cax max yion c'apax eb Aín, Rimón, Eter c'al Asán.

⁸Ay caneb conob, yetokc'al is yaldeail ay yinlak, masantac'al bay Baalat-beer, (a ton Ramat, ay bay Néguev.) A ton juntzan conob ti' max yi' eb is tribual Simeón.

⁹Aycan bay yul is tx'otx' Judá, yujtol a jun tribual tu' yelxac'al miman tx'otx' makbilcan yuj, xan max ak'lay nanokxa tx'otx' yet Judá tu' bay eb yet Simeón.

¹⁰A yet is yox makan tx'otx' tx'otx' max oc suerte yin, a bay eb is tribual Zabulón max can tx'otx', atac'ala' jayeb makan yayji oc eb. A is mojonal max apnitac'al oc bay Sarid,

¹¹cax chi tojc'al bay yetc'ulal yayubc'u masantac'al bay Marala, cax chi apni bay Dabeset, chi lajwican apnok bay a' aej bay satak Jocneam.

¹²Chi el bay Sarid, cax chi apnitac'al is mojonal bay yetc'ulal yichcan bay Quislot-tabor, cax chi ec'paxtok bay Daberat, cax chi ajc'altok bay Jafía.

¹³A bay tu' chi tojpax is mojonal bay yetc'ulal yichcan, bay chi yik Gat-hefer, cax chi ec'tok bay Ita-cazin, chi yoy ba bay Nea, cax chi apnitac'al oc bay Rimón.

¹⁴Axa pax bay norte chi meltzojtok is mojonal bay Hanatón, cax chi elapnok bay jobeal yul yet Jefte-el.

¹⁵A bay jun tx'otx' ti' ay lajcaweb conob, yetokc'al is yaldeail ay cawilal yinlak; a xol juntzan tu', a tu' ay Catati, Naalal, Simrón, Idala c'al Belén.

¹⁶A ton jun tx'otx' tu' max yi' is tribual Zabulón, yetokc'al is conoblak, c'al yaldeail.

¹⁷A tx'otx' yet is can makan, max oc suerte yin, max yi' eb is tribual Isacar, atac'ala' jayeb makan yayji oc eb.

¹⁸A bay jun tx'otx' tu' aycan juntzan conob ti': a ton Jezreel, Quesulot, Sunem,

¹⁹Hafaraim, Sihón, Anaharat,

²⁰Rabit, Quisión, Abez,

²¹Remet, En-ganim, En-hada, c'al Bet-pases.

²²A is mojonal chi apnitac'al oc bay Tabor, Sahasima c'al Bet-semes, cax chi lajwican apnok bay a' Jordán. Ay 16 conob yetokc'al is yaldeail yin masanil.

²³A ton jun tx'otx' tu' max yi' eb is tribual Isacar, yetokc'al conoblakil yetok is yaldeail.

²⁴Axa tx'otx' yet is so' makan max oc suerte yin, max yi' eb is tribual Aser atac'ala' jayeb makan yayji oc eb.

²⁵Ayoc juntzan conob ti' tz'akilok eb: Helcat, Hali, Betén, Acsaf,

²⁶Alamelec, Amad c'al Miseal, xan a bay yayubc'u ay c'apax oc jolom witz Carmelo c'al Sihor-libnat tz'akilok.

²⁷Axa pax is mojonal, a bay yichcan chi beyc'altoj bay norte, masantac'al chi apni oc bay Bet-dagón, cax chi apni oc yin tx'otx' yet Zabulón bay jobeal yet Jefte-el, Bet-emec, Neiel, cax chi tojc'al bay is sataktok Cabul.

²⁸Yuj tu' xan chi michchajtok Abdón, Rehob, Hamón, c'al Caná, masantac'al chi apni oc bay miman conob Sidón.

²⁹Chi lajwi tu', cax chi ec'tok is mojonal bay yibantok Ramá, masantac'al chi apni oc bay jun conob ayoc is murallail, a ton Tiro, cax chi beyc'altoj bay Hosa axa yelapnok bay a' mar Mediterráneo tu'. Ay c'apax oc conob Mahaleb, Aczib,

³⁰Uma, Afec c'al Rehob tz'akilok. Ay 22 conob, yetokc'al yaldeail ay is cawilal.

³¹A ton jun tx'otx' tu' max yi' eb is tribual Aser yetokc'al conoblak c'al yetok is yaldeail.

³²A tx'otx' yet is wak makan, max oc suerte yin, a max yi' eb is tribual Neftalí, atac'ala' jayeb makan yayji oc eb.

³³A is tx'otx' eb tu', chi tojtac'al bay Helef, Alón-saananim, Adami-neceb, c'al Jabneel, masantac'al bay Lacum, cax chi apni oc bay a' Jordán.

³⁴Axa bay yayubc'u, a tu' is mojonal, chi tojtac'al bay Asnot-tabor, cax chi apni bay Hucoc, yuj tu' xan a bay paq'uil sur chi chalej ba is mojonal is tx'otx' eb tu' yetok yet Zabulón, axa bay yayub c'u chi chalej ba yetok tx'otx' yet eb is tribual Aser. Axa bay yetc'ulal yichcan chi apni is tx'otx' is tribual Neftalí, tac'al bay Jehuda, bay a' Jordán.

³⁵Axa juntzan conob ayoc is murallail max yi' eb: a ton Sidim, Zer, Hamat, Racat, Cineret,

³⁶Adama, Ramá, Hazor,

³⁷Cades, Edrei, En-azor,

³⁸Irón, Migdal-el, Horem, Bet-anat c'al Bet-semes. Ay 19 conob yin masanil, yetokc'al is yaldeail ay is cawilal.

³⁹A ton tx'otx' ti' yetokc'al is conoblak, c'al yaldeail max yi' eb is tribual Neftalí.

⁴⁰A tx'otx' yet is suk makan, max oc c'apax suerte yin, max yi' is tribual Dan is satak, atac'ala' jayeb makan yayji oc eb.

⁴¹A bay tx'otx' tu' a tu' ay Zora, Estaol, Ir-semes,

⁴²Saalabín, Ajalón, Jetla,

⁴³Elón, Timnat, Ecrón,

⁴⁴Elteque, Gibetón, Baalat,

⁴⁵Jehud, Bene-berac, Gat-rimón,

⁴⁶Mejarcón, c'al Racón, yetokc'al tx'otx' chi cancan bay satak Jope.

⁴⁷Palta a jun tx'otx' tu' maj yab bay eb, xan max toj eb is tribual Dan tok'on ec' conob Lesem, cax max yioncan eb tx'otx' yet mayal lajwi mak'on cam eb eb cajyom bay tu'. Max q'uexon eb is bi jun conob tu', cax max yak'on eb yik Dan, yuj mimanbilnen eb yichmam.

⁴⁸A ton tx'otx' tu', yetokc'al conoblakil, yetok is yaldeail max yi' eb is tribual Dan.

⁴⁹Masanil juntzan lugar tu' max pojic' cham sacerdote Eleazar, cham Josué, yetokc'al eb yajawil conob xol eb yet conob. Satak wal Jehová bay satak mantiado bay chi co chalej co ba yetok Cham, bay Silo, a tu' max yaoc eb yin suerteal, xan tz'akaki max yun yelok tx'otx'. A yet mayal lajwi pojlay ec' tx'otx' tx'otx' tu' xol eb, yet max lajwi chaon junjun tribual yet, cax max ak'lay is parcela Josué xol eb, axca wal max yun yalon Jehová. Max ak'lay conob Timnat-sera bay, bay siquilal tx'otx' yul yet Efraín, a ton bay tu' max k'an Josué, xan max ca watx'nej aj cham Josué jun conob tu', cax max cajay bay.