Read Q'anjob'al Jos 21 Bible Online

Jos 21 - Q'anjob'al bible

Jos 21

¹A eb yajawil eb levita max toj bay Silo, bay yul is makbej Canaán, yuj k'anjab yetok cham sacerdote Eleazar, cham Josué, c'al eb yajawil junjun tribual israelal. A bay tu' max yal eb axca ti': A cham Moisés max aloncan el yuj Jehová, tol chi ak'lay co conob bay chon ayji, c'al bay chi je' low co jobbejal no', ẍi eb.

³Xan max yak' eb yet israelal tu' juntzan conob bay eb, yetokc'al bay chi je' low is jobbejal no' eb, axca max yun yalon Jehová.

⁴Yin babelal max oc suerte yin jun makan eb levita tol max tit yin is yinatil Coat. Yinatil c'apax Coat cham sacerdote Aarón xan max ak'lay 13 conob bay yinatil cham, a ton juntzan conob ay yul yet is tribual Judá, Simeón c'al Benjamín.

⁵Ac'ala' juntzanxa eb coatita, max yi' eb junxa lajoneb conob ay yul yet is tribual Efraín, c'al yet Dan yetok nanxa is tribual Manasés.

⁶A yet max lajwi jun ti xin, max ak'lay satak juntzanxa makanil eb levita titnak yin Gersón. A eb max ion 13 conob is satakok, ay yul is makbej tribual Isacar, yetok yet Neftalí, c'al yetok nan yet Manasés ayic' bay Basán.

⁷Axa juntzanxa makanil eb levita titnak yin yinatil Merari, a eb max ion lajcaweb conob, ay yul yet is tribual Rubén, Gad c'al Zabulón.

⁸Yin suerteal max yun yak'on eb israel juntzan conob, c'al yetok lugar bay yinlak tu' bay eb levita axca wal max yun yaloncan Jehová bay cham Moisés.

⁹A juntzan conob ok binajtek ti', a yul yet is tribual Judá yetok is tribual Simeón, a tu' ay.

¹⁰A eb levita titnak yin makanil Coat, tol yinatil c'apax Aarón eb, max yi' eb yet yin babelal.

¹¹A bay siquilal tx'otx' yet Judá max ak'lay Quiriat-arba bay eb yetok lugar bay watx' chi low is jobbejal no' eb. A Quiriat-arba tu', ac'al oc chi yik c'apax Hebrón, (is yichmam Anac yayji Arba tu').

¹²Axa masanil is makbej jun conob tu' c'al is yaldeail ak'bilxa bay cham Caleb is c'ajol Jefone.

¹³A Hebrón tu', a ton junok juntzan conob bay chi col ba eb chi mak'wi cam anima. A eb yinatil Aarón max yi' c'apax eb juntzanxa conob ti': Libna,

¹⁴Jatir, Estemoa,

¹⁵Holón, Debir,

¹⁶Aín, Juta, c'al Bet-semes. A ton baloneb conob ti'; junjunc'al juntzan conob tu' ayc'al bay chi je' low is jobbejal no' eb.

¹⁷Axa bay is tribual Benjamín xin, max ak'lay Gabaón yetok Geba,

¹⁸Anatot, c'al Almón. A ton caneb conob ti', junjunc'al juntzan conob tu' ayc'al bay chi je' chi low no jobbejal no' eb.

¹⁹Yuj tu' xan a conob max yi' eb yinatil cham sacerdote Aarón, 13 yin masanil. Junjunc'al juntzan conob tu', ayc'al bay chi je' low is jobbejal no' eb.

²⁰Axa bay juntzanxa eb levita is yinatil Coat xin, max ak'lay bay eb juntzanxa conob ay yul makbej tribual Efraín.

²¹A bay siquilal tx'otx' yet Efraín tu' max ak'lay tx'otx' Siquem, a ton jun conob bay chi je' colon ba eb chi mak'wi cam anima. Max ak'lay c'apax Gezer,

²²Kibsaim, c'al yetok Bet-horón, tol caneb conobal; junjunc'al juntzan conob tu' ayc'al bay chi je' low is jobbejal no' eb.

²³Axa pax yul makbej tribual Dan xin, max cha' c'apax eb conob Elteque, Gibetón,

²⁴Ajalón, c'al Gat-rimón, ma chi yal elapnok caneb conobal; junjunc'al juntzan conob tu' ayc'al bay chi je' low is jobbejal no' eb.

²⁵Axa pax yul yet nanokxa eb is tribual Manasés xin, cab conob max cha eb, a ton Taanac, yetok Gat-rimón, ayc'al bay chi low no no'.

²⁶Yuj tu xin, ay lajoneb conob max cha' eb yinatil Coat, atac'ala' jayeb makanil yayji oc eb. Junjunc'al juntzan conob tu' ayc'al bay chi je' low is jobbejal no' eb.

²⁷Axa bay eb levita, is yinatil Gersón, cab conob max ak'lay bay eb yul yet nanxa is tribual Manasés. A juntzan conob tu', yetokc'al bay chi je' low is jobbejal no' eb, a ton Golán ay bay yul yet Basán, bay chi col ba eb chi mak'wi cam anima, c'al yetok Beestera.

²⁸Axa yul yet is tribual Isacar max ak'lay conob Cisón, Daberat,

²⁹Jarmut, c'al yetok Enganim, tol ay caneb conobal. Junjunc'al juntzan conob tu' ayc'al bay chi je' low is jobbejal no' eb.

³⁰Axa yul yet is tribual Aser, max ak'lay conob Miseal, Abdón,

³¹Helcat, c'al Rehob, caneb conobal. Junjunc'al juntzan conob tu' ayc'al bay chi je' low is jobbejal no' eb.

³²Axa yul yet is tribual Neftalí, max ak'laycan oxeb conob, yetokc'al is lugaril bay chi je' low no no': a ton Cedes, bay yul yet Galilea, bay chi je' colon ba eb chi mak'wi cam anima; max ak'lay c'apax Hamot-dor, c'al Cartán.

³³Yuj tu xin xan a conob max yi' eb gersonita, ay 13 conob yin masanil, atac'ala' jayeb makan yayji oc eb. Junjunc'al juntzan conob tu' ayc'al bay chi je' low is jobbejal no' eb.

³⁴Ayto eb levita maxto cani, a ton eb yinatil Merari. Max ak'lay satak eb yul yet is tribual Zabulón: a ton Jocneam, Carta,

³⁵Dimna c'al Naalal, tol ay caneb conob. Junjunc'al juntzan conob tu' ayc'al bay chi je' low is jobbejal no' eb.

³⁶Axa yul yet is tribual Rubén max ak'lay conob Beser, Jahaza,

³⁷Cademot, c'al yetok Mefaat, tol caneb conob. Junjunc'al juntzan conob tu' ayc'al bay chi je' low is jobbejal no' eb.

³⁸Axa yul yet is tribual Gad max ak'lay Ramot, yul yet Galaad bay chi je' colon ba eb chi mak'wi cam anima, max ak'lay c'apax Mahanaim,

³⁹Hesbón c'al Jazer, tol caneb conobal. Junjunc'al juntzan conob tu' ayc'al bay chi je' low is jobbejal no' eb.

⁴⁰Yuj tu' xan ay 12 conobal max yi' eb yinatil Merari, yinatil c'apax Leví eb, atac'ala' jayeb makanil yayji oc eb.

⁴¹A conoblak yet eb levita yul tx'otx' makbil yuj eb israel, ay 48 yin masanil, junjunc'al juntzan conob ti', ayc'al bay chi je' low is jobbejal no' eb.

⁴³Caywal tu' max yun yak'on Jehová tx'otx' tx'otx' bay eb israel, a ton masanil tx'otx' max yak' is ti' yak'on bay eb is yichmam eb. Max watx'nen ay cajan ba eb sat tx'otx' bay tu'.

⁴⁴Max yunc'al bay max yak' Jehová is ti', max yak'on junc'ulal bay masanil jun tx'otx' tu'. Majxac'al je' tec'ban ba eb ajc'ul satak eb, yujtol a Cham max aon oc eb yul k'ab eb israel.

⁴⁵C'am wal junok belan k'anejal bay max yak' Cham is ti' bay eb israel tol maj yunej.