Read Q'anjob'al 1 Jn 1 Bible Online

1 Jn 1 - Q'anjob'al bible

1 Jn 1

¹Ti chi co tz'ibejtok ayex is yabixal Cham chi yik K'anej Ak'om K'inalej. A yet c'amto yulyibank'inal ti', ayxac'alta' Cham. Max jab k'anjabi. Max jil wal oc yin on. Max con oc t'anan yin, max con oc c'apax mitx'an yin.

²A Cham Aj K'inalej tu' max tx'oxlay ajok, cax max jilon oc yin on, xan chi jak' co ba testigoal yin, cax chi jalon e yabej, tol a Cham chi ak'on co k'inal tol ayc'al yin tojbalk'inal. A Cham tu', ayc'alta' ec' yetok co Mam Dios, palta max tx'oxlay el Cham ayon.

³Xan a Cham max jil on tu', c'al max jab k'anjab tu', a' chi jalil ayex, yet watx' watx'xac'al jak'oni. Yujtol wal yel, watx'xac'al jak'on yetok co Mam Dios, c'al yetok Jesucristo is C'ajol.

⁴Yuj tu' xan chi co tz'ibejtok juntzan ti' ayex, yet watx' chi texac'al aj can co tzalojc'ulal.

⁵Ok jaltok e yabej, tzet albilcan yuj Jesucristo ayon. Max yalcanok, tol a Dios, sakk'inal yayji, cax c'am jabok k'ekk'inal yin.

⁶Ta chi jala' tol watx' jak'on yetok Cham, palta k'ekk'inalc'al pax yayji co nabal, toc'al chi jal chi yal tu', cax man yelok co beybal tu'.

⁷A Dios sakk'inal yayji. Ta a sakk'inal tu' chi co beybalnej, cax ta watx'c'al jak'on junjun on, axa chiq'uil Jesucristo is C'ajol, a' chi sakbanen el masanil co yobtakil jin.

⁸Ta chi jala' tol c'am co yobtakil, ayonc'al oc chi jetnej co ba, yujtol man yelok chi jala' tol c'am co yobtakil.

⁹Ta chi jalajtek co yobtakil bay Dios, chi joc'ay Cham co yobtakil tu' jiban, cax chi yion c'apax el Cham masanil tzet man watx'ok jin. Yujtol tojol ton Cham, cax chic'al yun bay chi yala'.

¹⁰Ta chi jala' tol c'am bay chi oc jabok co yobtakil, axca tol chi jut Dios yin lek'tial, cax man lananok jaon oc co c'ul yin is k'anej.