Read Q'anjob'al Ap 5 Bible Online

Ap 5 - Q'anjob'al bible

Ap 5

¹A yet max wilon yin Cham chotan ay yul jun trono tu', ay jun un chulbil, ibil aj yul is watx' k'ab. Tz'ibbil yul jun un tu', c'al yin. Ayoc ukeb is selloal, yuj tu' c'am chi je' xuylaytok.

²Ay c'apax jun ángel caw ay is yikbej max wil yin. Caw yip k'anlen axca ti': ¿Mac junok moj nic'ontok juntzan sello tu', cax chi jakon aj tx'an un tu'? ẍi.

³Palta tamwal bay satcan, tamwal bay sat tx'otx', tamwal yalan tx'otx', c'am junok mac chi je' xuyon ajok, yuj yilon tzet chi yala'.

⁴Caw wal max in ok' sic'libil, yujtol c'am junok chi je' yuj xuyon aj jun un tu', yuj yilon tzet chi yala'.

⁵Palta ay junok eb icham winak max alon ayin axca ti': Manchak ach ok'i. A nan xol eb yinatil Judá ay jun chi yik Coj, a ton jun yinatil cham rey David, a' max yi yikbej xan a' ok je' yuj nic'ontok ukeb sello tu', cax ok xuyon aj tx'an un tu', ẍi ayin.

⁶Axa nan yul jun trono tu', yetok nan xol canwan eb querubín tu' yetok eb icham winak, a tu' max wil yin Cham chi yik Calnel, tol lecan ocok; txequel tol mak'bil camok, palta iquis. Ukeb yuc'a', ukeb c'apax bak' sat. A ukeb bak' sat tu', a ton Yespíritu Dios yukwanil chekbiltok bay masanil yulyibank'inal.

⁷A Cham chi yik Calnel tu', a max bet chaon ec' jun un tu' yul is watx' k'ab Cham chotan ay yul jun trono tu'.

⁸Max chaon ec' jun un tu', axa yay jajan eb querubín tu' canwanil, yetok eb 24 icham winak tu' satak Cham chi yik Calnel tu'. Ay yarpa eb junjun, c'al junjun is oro sec' eb, nojnak yuj suk'uk'i jab chi tz'a'i. A juntzan suk'uk'i jab tu', a ton yechel is txaj eb yet-xa Dios.

⁹Max bitnej eb tu' jun ac' bit ti': Ach ti', a moj ton a chaon ec' jun un tu', yuj a nic'on el selloal. Yujtol ach mak'bil ach camok, cax max a manon oc eb anima yuninalok Dios yetok a chiq'uil. Xiwil eb yin junjun inatilejal, yin junjun tiejal, yin junjun conobal, yetok junjun nación max a colcan el tu'.

¹⁰Ach max aoc eb yin jun conobal c'al yin sacerdoteal yin yak'on serbil eb Dios. Ach max aoc eb yajawilalok yulyibank'inal, ẍi eb yin bit tu'.

¹¹Max lajwi tu', max wiloni, xiwil ángel oyan oc yin jun trono tu', yetok eb querubín, c'al eb icham winak tu'. Max wab yoc yul nuk' eb masanil. Xiwil milal, c'al millonal bisil eb.

¹²Caw yip eb yalon axca ti': A Cham chi yik Calnel, tol max mak'lay camok, caw moj chi jal yin tol ay yikbej, ay is beyomal, ay is jelanil, c'al yip. Mimanbil Cham, caw miman yelapnok. Caw moj ton jalon watx' k'anej bay, ẍi eb.

¹³Max wab c'apax yoc yul nuk' jantak tzet watx'nebil yuj Dios bay satcan, c'al bay yulyibank'inal, juntzan ay yul tx'otx', c'al yulak a' mar. Masanil watx'nebil yuj Dios bay juntzan lugar ti', max aj yaw masanil, cax max yalon axca ti': Al-layokab watx' k'anej bay Cham chotan ay yul is trono, c'al bay Cham chi yik Calnel. Al-layokabi tol mimanbil Cham, miman yelapnok; asan Cham ay yikbej yin tojbalk'inal, ẍi.

¹⁴Axa yalon eb querubín tu' canwanil axca ti': Yunokab axca tu', ẍi eb. Axa yay jajnaj eb icham winak tu', cax max yalon ba eb bay Cham.