Read Q'anjob'al 1 S 16 Bible Online

1 S 16 - Q'anjob'al bible

1 S 16

¹Max lajwi tu', max yalon Jehová bay cham Samuel: —¿Bak'in ok a bek a cus yuj Saúl? Majxa yal in c'ul tol ok yak'c'al yajawil yin conob Israel. A tinani', ak' noj no' cacho yuj aceite, cax chach toj bay yatut Isaí aj Belén, yujtol mayal in siq'uil jun is c'ajol yuj yoc yin reyal, ẍi Jehová.

²—¿Tzet wal chi yun in toji? Ta chi yab Saúl jun ti', chin mi mak'lay cam yuj, ẍi Samuel. Max tak'wi Jehová bay cham: —Itok junok no k'opoj wacax cax chach toji, cax chaloni, tol ak'oj xajanbal chin jayi, cachi.

³Chi lajwi tu' cax chawten Isaí low yin xajanbal tu'; a bay tu' ok wal ayach tzet wal ok onej. A jun ok in tx'ox oc ayach, a jun tu' cha sic'can elok, cax chaon ajtok aceite yiban jolom, ẍi Jehová.

⁴Max yiken cham Samuel tzet max yal Jehová. A yet max apni oc cham bay Belén, max ul chalay cham yin xiwc'ulalil yuj eb yajawil conob, ayman max k'anlej eb bay: —¿Watx' mi wal tzet chi ul on mamin, ma tzet wal chi ul onej? ẍi eb bay.

⁵—Ja', tol chi ul wak' jun xajanbal bay Jehová. Watx'nejek e ba atac'ala' yalon ley, cax ok ex tok wetok yet ok wak'on jun xajanbal ti', ẍi cham Samuel. Max yalon c'apax bay Isaí, c'al bay eb is c'ajol, tol chi watx'nej ba eb, atac'ala' yalon ley yet chi chi eb no' xajanbal tu' yetok cham.

⁶A yet max apni oc Isaí yetok eb is c'ajol, ayman max yiloc cham Samuel, max naon yul is c'ul yin Eliab, nak babel c'ajolej: Toxc'a wal a jun nak ti' max sic'can el Jehová, ẍi cham.

⁷Max yalon Jehová bay cham: Manchak ach oc t'anan yin tzetbil yili jun nak ti', c'al yin is tel, maj wochej nak tu'; manak axca tzet chi yil anima axca tu' chi wila', yujtol a eb anima, a watx'il yili yin chi yil eb, a pax ayin ti', a yin is yanimail, c'al is nabal, a chi wilocok, ẍi Jehová.

⁸Max lajwi tu', max yiontek Isaí is c'ajol chi yik Abinadab bay cham Samuel, palta max yalon pax cham: —Toxc'a manak junxa ti' max siq'uil Jehová, ẍi cham.

⁹Max yion paxtek Isaí junxa is c'ajol chi yik Sama bay cham Samuel; max yalon bay: —Manak junxa nak ti' max siq'uil Jehová, ẍi cham.

¹⁰Max tz'aknaj yec'tok ukwan is c'ajol Isaí bay satak cham Samuel. Tamwal junok eb ti' max siq'uil Jehová, ẍi cham.

¹¹Yinxa tzunanil max k'anlen cham bay Isaí: —¿Tom asannej eb a c'ajol ti'? ẍi cham. —Axac'al ch'an junxa nak tzunan unin, aycantok nak iloj calnel, ẍi Isaí. —Atok yiomal nak xin, yujtol ta c'am nak, c'am chon lowi, ẍi cham Samuel.

¹²Max yak'on Isaí toj tit nak. Axa yet max jay xin, max yilon oc cham Samuel, tol cakwak'inak yili nak, caw wal watx' yili sat, c'al is mimanil. A wal yet jun bek tu', max yalon Jehová bay cham Samuel: —A ton wal nak ti', ajan wanok cax chaon ajtok aceite yiban jolom, ẍi Jehová.

¹³Max lajwi tu', max yiontek cham Samuel no' cacho bay ayaytok aceite, satak wal masanil eb nak uẍtakejal tu' max yaon ajtok cham aceite yiban is jolom; a nak tu' chi yik David. Yettax jun c'ual tu' max oc Yespíritu Jehová yin nak. Axa yet max lajwi low eb, max tak'lican cham Samuel tu', cax max meltzoj bay Ramá.

¹⁴Max yiel Jehová is Yespíritu yin Saúl, axa jun espíritu yob max alay oc yin, caw wal chi etax yuj.

¹⁵Yuj tu' xan max yal eb ayic' yetok: —Chi mi nachaj el oj mamin rey, tol ayoc jun espíritu yob en chekbil yuj Dios chach etneni.

¹⁶Chaokab a c'ul xin, chon toj ayon a chekbej on ti', co say junok nak chi je' yuj txalon te arpa, yet watx' a yet chach yetnen jun espíritu tu', chi txalon nak te arpa tu', cax ok el leeok ok ela', ẍi eb.

¹⁷—Asek xin; wal junok caw wal tol jelan txalon te', a che yitek, ẍi Saúl.

¹⁸Max yalon jun yetbi eb ayic' tu' axca ti': —Ay wal jun nak wojtak ayin ti', c'ajol Isaí nak, caw wal watx' txalon nak te arpa, cajan bay Belén. Yetok c'apaxok, caw wal watx' nak yin owal; caw wal jichanc'al k'anjabi, cax watx' yili is mimanil. Ayc'al oc Dios yetok, chi jila', ẍi.

¹⁹Yuj tu xin, max yatok Saúl is chekbej bay Isaí, max yalontok: Atek nak a c'ajol David ayin, nak yilomal a calnel, ẍitok Saúl.

²⁰Max yiken Isaí, max yaontok nak David is c'ajol bay Saúl. Max yaontok jun no burro yetok, ikbil jun ikatzil pan yuj no', yetok jun tx'uy tz'um vino, c'al yetok jun no chiwo.

²¹A yet max apni oc David bay Saúl, max occan is chekbejok. Caw wal xajan max il-lay David tu' yuj Saúl, max yaon oc yiomal oc is mitx'k'ab yet owal.

²²Max yaontok Saúl jun is chekbej bay Isaí, is mam David tu', ta chi je' chi canxac'al can yetok, yujtol caw wal chi yochej.

²³A yet chi tit yabil Saúl yuj jun espíritu yob ayoc yin tu', cax chi oc ijan David txalon te arpa. A yet chi yaben Saúl jun tu', cax chi el jun espíritu tu' yin, chi el leeok chi yabej.