Read Quechua Bolivia DC Bible 1 CRÓNICAS 18 Bible Online

1 CRÓNICAS 18 - Quechua Bolivia DC Bible bible

1 CRÓNICAS 18

¹Kaymantataj Davidqa filisteosta atipaykorqa, k'umuykachacherqataj Gat llajtanta, jinataj chay qayllampi ranchosnintapis filisteospa ranchosnintapis filisteospa makisninkumanta qhechurarqa.

²Moabitastapis atipaykullarqataj, jinamanta paykunaqa Davidpa atiynin urapi karqanku, impuestostapis payman pagananku karqa.

³Davidqa atipaykullarqataj Hanat chaynejpi Sobaj reynin Hadad-ezerta. Payqa Eufrataes mayu chaynejta jap'ikapoj rishajtin.

⁴Davidqa paykunamanta maqanakupaj nisqa waranqa carretasta qhechorqa, presostataj jap'ikaporqa qanchis waranqata, caballospi soldadosmanta, chakipi rejkuna soldadosmantataj iskay chunka waranqasta; chay jawataj chay maqanakuman rina carretasta qhatataj caballosta chakisninta p'akirarqa. Pachaj carretasta qhatatinankupaj jinalla caballostaqa mana wañucherqachu.

⁵Chaymantataj chayamorqanku Damascomanta sirios, Sobaj reynin Hadad-ezer yanapaj, chaypacha Davidqa atipallarqataj siriostaqa iskay chunka iskayniyoj waranqa runasta wañurachispa.

⁶Chaymantataj Davidqa siriosmanta Damasco llajtapi qhawajkuna soldadosta churarqa, siriostaj Davidpa kamachiyninman churasqas karqanku, impuestotapis payman pagananku karqa. Ajinata Señorqa Davidta atipacherqa mayllamampis rejtin.

⁷Chaymantataj Davidqa, Hadad-ezerpa soldadosnimpa qori escudosninta jap'ikaporqa, Jerusalenmantaj chaykunata apakaporqa.

⁸Ajinallataj jap'ikaporqa Tibhatpi Cumpiwan ashkha bronce karqa chaytapis. Chay llajtasqa Hadad-ezerpata karqanku. Chay broncewantaj qhepaman Salomón chay yaku churanata jatunta ruwarqa sayantasta, yupaychana wasipi ruwanapaj kaj imastawan.

⁹Hamatpa reynin Toi maypachachus yacharqa David atipaykusqanta Sobaj reynin Hadad-ezerta chaypacha, wawan Adoranta kacharqa, qorimanta, qolqemanta ruwasqa, jinataj broncemanta ima ruwasqasniyojta, rey Davidta napaykunampaj, kusiyninta rikuchinampajwan, rey Hadad-ezerta maqanakupi atipaykusqanrayku, rey Toeqa paywan maqanakullapitaj kasqanrayku.

¹¹Davidqa kay tukuy kaj imasta, qorimanta kajta, qolqemanta kajtawan Señorpaj t'aqarqa, kay tukuy nacionesmanta qhechusqasnintawan, Edonmanta, Moabmanta, amonitasmanta, filisteosmanta, amalecitasmanta ioma.

¹²Saviaj wawan Abisaitaj atipaykorqa Kachi Vallepi, chunka pusajniyoj waranqas edomitasta.

¹³Chaymantataj churarqa qhawajkuna soldadosta Edomman. Tukuy edomitaspis Davidpa kamachiynimpi karqanku, Señortaj atipacherqa, mayllamampis David rejtenqa.

¹⁴David tukuy Israel aylluta kamacherqa. Payqa cheqa justiciata ruwarqa, cheqa sonqoyojtaj kamachisqa tukuy ayllunwanqa.

¹⁵Soldadosninta kamachejqa Sarviaj wawan Joab karqa; chanta Ahiludpa wawan Josafattaj reypa qelqerin karqa.

¹⁶Ahitobpa wawan Sadoc, Abiatarpa wawan Ahimelecpiwan sacerdotes karqanku, Savsa willaj qelqerin karqa.

¹⁷Joiadaj wawan Benaiataj chay cereteosmanta peleteosmantawan soldadosta kamachisharqa. Davidpa wawasnintaj kuraj yanapajkunasnin karqanku.