Read Quechua Bolivia DC Bible 1 CRÓNICAS 24 Bible Online

1 CRÓNICAS 24 - Quechua Bolivia DC Bible bible

1 CRÓNICAS 24

¹Aarompa mirayninmanta kajkunapis mit'asniyojllataj karqanku. Aarompa wawasnintaj karqanku: Nadab, Abiú, Eleazar, Itamar ima.

²Nadabwan, Abiuwanqa tatankumanta aswan ñaupajta wañuporqanku, mana qhari wawasniyoj kaspalla, Eleazarwan, Itamarwanqa sacerdotes karqanku.

³Davidtaj, Eleazarpa mirayninmanta Sadocpa yanapayninwan, Itamarpa mirayninta Ahimelecpa yanapaynimpiwan rak'irarqa mit'aspi ruwanasninkuman jina.

⁴Rikorqankutaj Eleazarmanta qharis kajkuna aswan ashkha kasqankuta Itamarpamanta nisqaqa. Rak'erqankutaj kay jinata: Eleazarpa mirayninmanta chunka sojtayoj ayllu kamachejkuna karqanku, Itamarpamantataj pusaj karqanku.

⁵Mit'astaqa suerteta choqaspa rak'irarqanku, Eleazarpa mirayninmanta kajkunamanta, jinataj Itarpamantapis karqanku Diospa wasimpi llank'ajkuna. Jinallataj Diosta yupaychana wasimanta kamachejkunapis.

⁶Chaymantataj levitasmanta, Natanaelpa ujnin kaj wawan Semaiasqa qelqeri karqa. Payqa chay kamachejkunajpata sutisninkuta qelqarqa, kaykunajpa ñaupaqenkupi, reypa yanapajkunasnimpatawan, sacerdote Sadocpata, Abiatarpa wawan Ahimelecpata, sacerdotespa wasi ayllu kamachejkunajpata, levitaspatawan ñaupaqenkupi ima. Chay mit'astataj suerteta choqaspa rak'irarqanku. Eleazarpa mirayninmanta kajkunapaj, iskay mit'asta orqhospa, Itamarpamanta kajkunapajtaj ujllata.

⁷Chay suertesta orqhojkunaman jinaqa, ñaupaj kajmanta iskay chunka tawayojkama kay jina llojserqa: Joiarib, Jedaías, Harim, Seorim, Malquías, Mijamín, Cos, Abías, Jesúa, Secanías, Eliasib, Jaquim, Hupa, Jesebeab, Bilga, Imar, Hezir, Afses, Petaías, Hezequiel, Jaquín, Gamul, Delaía, Maazías.

¹⁹Ajinata rak'inakorqanku mit'asta yupaychana wasipi ruwanankupaj, Israelpa Señor Diosnin imaynatachus kamachisqanman jina ñaupa tatanku Aaronnejta.

²⁰Levitasmanta qhepakorqanku chaykunaqa karqanku: Amrampa mirayninmanta Subael; Subaelpamantataj, Jehedías.

²¹Rehebiaspamantataj kuraj kajninku Isías.

²²Izharpamantataj Selomot karqa. Selomotpamantataj Jahat karqa.

²³Hebrompa miraynimpamantataj karqa: Kuraj kajqa Jerías, iskay kajqa Amarías, kinsa kajqa Jahaziel, tawa kajqa Jecamán, ima.

²⁴Chayllapitaj karqanku: Uzielpa wawan Micaía; Micaiaj wawan Samir;

²⁵Micaiaj wauqen Isaías; Isaiaspa wawan Zacarías;

²⁶Merarej wawasnin Mahliwan, Musiwan; jinataj Merarejpa wawan, Jaaziaspa wawasnimpis.

²⁷Merarej mirayninmanta kajkunapis wawan Jaaziasmanta karqanku: Soham, Zacur, Ibri ima.

²⁸Mahlejpamantataj Eleazar. Payqa mana qhari wawasniyojchu karqa.

²⁹Chantá Cispiwan; Cispa wawan Jerahmeel;

³⁰Musej wawasnintaj karqanku Mahli, Edar, Jarimot ima. Kaykuna karqanku levitasqa wasi ayllusninkuman jina.

³¹Ajinallatataj paykunapis mit'asta rak'inakorqanku suerteta choqaspa, wasi ayllumanta kurajkuna, sullk'akunapis Aarompa mirayninmanta kajkuna jinallataj, chay tukuyta ruwarqanku rey Davidpa ñaupaqempi, Sadocpapi, Ahimelecpapi, jinataj sacerdotespa levitaspa wasi ayllusninkoj kamachejkunaj ñaupaqenkupi ima.