Read Quechua Bolivia DC Bible 1 CRÓNICAS 25 Bible Online

1 CRÓNICAS 25 - Quechua Bolivia DC Bible bible

1 CRÓNICAS 25

¹Chaymantataj Davidqa yupaychana wasipi llank'ajkunamanta kamachejkunapiwan Señorta yupaychanankupaj churarqanku: Asafpa wawasninta, Hemampata, Jedutumpatwan. Paykunaqa arpasninkuta, salteriosninkuta, platillosninkutawan tocaspa Señorpa nisqasninta willaj kanku. Kaykuna kanku listapi churasqas chay ruwanaspi kasharqanku chaykunaqa.

²Asafpa wawasninmanta karqanku: Jacur, José, Netanías, Asarela ima. Tatanku Asaf paykunataqa kamacherqa, payqa reypa kamachisqanman jina Diosmanta willaykunasta parlaj.

³Jedutumpa sojta wawasnintaj karqanku: Gedalías, Zeri, Jesaías, Simei, Hasabías, Matatías ima. Tatanku Jedutuntaj paykunata kamacherqa. Paypis Diosmanta willaspa parlallajtaj arpata tocarispa Diosman graciasta qonampaj, jinataj yupaychanampaj.

⁴Hemampa wawasnintaj karqanku: Buquías, Matanías, Uziel, Subuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir, Mahaziot ima.

⁵Tukuy kaykunaqa Hemampa wawasnin karqanku. Hamantaj reypa profetan karqa. Paykunaqa Señorpa atiyninta jatunchanankupaj karqanku. Diostaj Hemanman qorqa chunka tawayoj qhari wawasta, kinsa warmi wawastawan.

⁶Paykunata tukuyninkuta tatanku Heman takichej, Diosta yupaychana wasipi Diosta yupaychaykunaspi, platillospa, salteriospa, arpaspa ch'ajwaynimpiwan. Asafwan, Jedutunwan Hermanwan reypa kamachimpi karqanku.

⁷Takinasmanta sumaj yachajkunaqa, chay yachajkuna waj wauqesninkupiwanqa iskay pachaj pusaj chunka pusajniyoj karqanku.

⁸Chaypacha, tukuyninku paykuna ukhupi ruwanasninkuta rak'inakorqanku, kurajkunapis kachunku, sullk'aspis, chayri chanta yachachejkunapis jinallataj yachaqajkunapis.

⁹Suertapi llojsejkunaman jina, chay ruwanasninku mit'asqa ñaupaj kajmanta iskay chunka tawayojkamaqa, kay jina karqanku: José Asafpa ayllunmanta, Gedalías, Zacur, Izri, Netanías, Buquías, Jesarela, Jesahías, Matanías, Simei, Azareel, Hasabías, Subael, Matatías, Jeremota, Hananías, Josbecasa, Hanani, Maloti, Eliata, Hotir, Gidalti, Mahaziot, Romanti-ezer ima. Paykunamanta sapa ujninkoqa, wauqesninkuwan imaqa, chanta qhari wawasninkuwan imaqa, chunka iskayniyojkama karqanku.