Read Quechua Bolivia DC Bible 2 CRÓNICAS 11 Bible Online

2 CRÓNICAS 11 - Quechua Bolivia DC Bible bible

2 CRÓNICAS 11

¹Roboam Jerusalenman chayarqa chaypachaqa, Judá ayllumanta, jinataj Benjamimpamantawan kajkuna pachaj pusaj chunkayoj waranqa soldadosta tantaykorqa, israelitaswan maqanakamuspa reinota Roboamman kutichimunankupaj.

²Señortaj chaypacha Diospa runan Semaiasman parlarqa, kamacherqataj:

³Niy Salomompa wawan Roboamman Judamanta reyman, jinataj Judamanta, Benjaminmantawan tukuy Israeltawan. Ajinata Señor nin: Hermanosniykichejwan ama maqanakoj riychejchu. Tukuyniykichej wasisniykichejman ripuychej, imaraykuchus noqa chaytaqa ruwani, nispa. Paykuna Señorpa nisqanta uyarispaqa kutiporqanku, Jeroboampa contrampitaj manaña rerqankuchu.

⁵Roboamqa Jerusalempi tiyakaporqa, Judapitaj sinch'i jark'achisqa llajtasta jataricherqa.

⁶Perqacherqataj kaykunata: Belenta, Etamta, Tecoata, Betsurta, Socota, Adulamta, Gatta, Maresata, Zifta, Adoraimta, Laquista, Azecata, Zorata, Ajalonta, Hebrontawan ima. Kaykunata Judapi, Benjamimpiwan ima jark'achisqa llajtas karqanku.

¹¹Chay llajtasta astawan jark'achinampajtaj chaykunaman churarqa kamachejkunata, mikhunasta, aceiteta, vinota ima.

¹²Chay jawaqa churallarqataj escudosta, lanzastawan sapa llajtaman, may jinatapuni sinch'ichaykorqa. Jinamanta Roboampa makimpi qhepakorqanku Judawan Benjaminwan ima.

¹³Sacerdoteswan levitaswanqa tukuy Israelmanta jamorqanku, paywan khuskachakunankupaj, maykunaspichus tiyakusharqanku chay cheqasmanta.

¹⁴Levitasqa michina jallp'asninkuta, waj tiyapuykunasninkutawan saqerparinanku karqa, Jerusalenman ripunankupaj, jinataj Judapi waj cheqasmampis. Jeroboamqa jinataj paypa qhepanta kamachejkunapis Señorpa sacerdotesnin kanankuta mana saqerqankuchu.

¹⁵Jeroboamqa waj sacerdotesta paypaj ajllakorqa, loma pata altarespi Señorman jaywanankupaj. Jinataj supaykunasta yupaychanakupaj, chanta chay waka uñasta ruwacherqa, chaykunasta yupaychanankupaj.

¹⁶Chay jawaqa piskunachus cheqamanta Israelpa Señor Diosninta mask'ayta munajkunaqa qhaterqanku sacerdotespaj, jinataj levitaspaj kausayninkuta. Jerusalenman rerqanku ñaupa tatasninkoj Señor Diosninkuman ñak'asqa uywasta jaywanankupaj.

¹⁷Jinamanta Judá reinotaqa astawan kallpacharqanku, Salomompa wawan Roboamtataj sinch'ita sayacherqanku kinsa watasta, imaraykuchus paykunaqa Davidpa kausayninta, jinataj Salomompa kausaynintapis kinsa watasllata qhaterqanku.

¹⁸Roboamqa Mahalatawan casarakorqa. Paypa tatanqa Davidpa wawan Jerimot karqa, Mahalatpa mamantaj. Isaejpa allchhin Eliabpa wawan Abihail karqa.

¹⁹Roboampata, Mahalatpatawan wawasninkoqa karqanku: Jehús, Semarías, Zaham ima.

²⁰Chaymantataj Absalompa wawan Maacawan casarakorqa, wawasnintaj karqanku: Abiam, Atai, Ziza, Selomit ima.

²¹Roboampa warmisnenqa karqanku chunka pusajniyoj. Tanta warmisnintaj sojta chunka karqanku. Tukuyninmanta astawanqa Maacata munakorqa. Iskay chunka pusajniyoj qhari wawasnin karqanku. Warmi wawasnintaj sojta chunka karqanku. Warmi wawasnintaj sojta chunka karqanku.

²²Roboamqa Maacaj wawan Abiasta ajllarqa hermanosnimpa kurajninku kanampaj. Payqa rey kananta munasharqa.

²³Sumajta umachakuspa payqa chay wakin wawasninta rak'irarqa tukuynej Judá jallp'aman, jinataj Benjamín jallp'amampis, chanta tukuynin jark'achisqa llajtasmanwan, ashkha mikhunasta paykunapaj churapuspa, ashkha warmistataj paykunapaj mask'aporqa.