Read Quechua Bolivia DC Bible NEHEMÍAS 11 Bible Online

NEHEMÍAS 11 - Quechua Bolivia DC Bible bible

NEHEMÍAS 11

¹Chay nacionmanta Jerusalén llajtapi kamachejkunaqa chaypi tiyakorqanku. Ayllumanta puchojtaj suerteta choqarqanku chunka familiasmanta ujnenqa Jerusalén llajtapi tiyakapunankupaj chay llimphupaj qhawasqa llajtapi. Chay isq'on kaj puchojkunari chay waj llajtitaspi tiyakapunanku karqa.

²Chaymanta tukuy aylloqa Jerusalén llajtapi mana pejpa nisqallan tiyakojkunata jatuncharqanku.

³Kaykuna karqanku chay kutimpojkunamanta aswan kurajkunasninku Jerusalén llajtapi watejmanta tiyakapojkunaqa. Chay waj israelitastaj: Sacerdotes, levitas, yupaychana wasipi imastapis ruwajkuna, jinataj Salomompa mirayninmanta kaj kamachispis, sapa ujpis llajtasninkupi, kikin jallp'asninkupitaj, Judá jallp'api tiyakaporqanku.

⁴Judá ayllumanta, jinataj Benjamín ayllumanta kajkunapis wakenqa Jerusalempi tiyakaporqanku. Judá ayllumanta kajkuna karqanku: Ataías, payqa Uziaspa wawan karqa, chaytaj Zacariaspata, chaytaj Amariaspata, chaytaj Sefatiaspata, chaytaj Mahalaleelpata, chaytaj Farespa mirayninmanta karqa.

⁵Maasiastaj Barucpa wawan karqa, chaytaj Colhozejpata, chaytaj Hazaíaspata, chaytaj Adiaspata, chaytaj Joiaribpata, chaytaj Zacariaspata, chaytaj Silonejpata wawan karqa.

⁶Farespa mirayninmanta Jerusalén llajtapi tiyakapojkunaqa karqanku tawa pachaj sojta chunka pusajniyoj, maqanakupaj jina sumachaj kallpayoj qharis.

⁷Benjamimpa ayllunmantataj karqanku: Salú, paytaj Mesulampa wawan karqa, paytaj Joedpata, paytaj Pedaiaspata, paytaj Colaiaspata, paytaj Maasiaspata, paytaj Itielpata, paytaj Jesaiaspata, chaypa wauqesnin Gabaiwan, Salaiwan ima karqanku. Tukuypi karqanku isq'on pachaj iskay chunka pusajniyoj.

⁹Chaykunata pusaj kajqa Zicrej wawan Joel karqa, Senuaj wawan Judataj chay llajtapi qhepan kaj kamachej karqa.

¹⁰Sacerdotesmantataj karqanku: Jedaiaswan, Jaquinwan. Jedaiasqa Joiaribpa wawan karqa, Seraiasqa Hilciaspa wawan, chaytaj Mesulampata, chaytaj Sadocpata, chaytaj Meraiotpata, chaytaj Ahitobpata, payri Diosta yupaychana wasipi kajkunaj kuraj kamachejnin karqa.

¹²Paywan khuska yupaychana wasipi llank'ajkuna familiaspis pusaj pachaj chunka iskayniyoj karqanku. Adaiastaj Jerohampa wawan karqa, paytaj Pelaliaspata, paytaj Amsispata, paytaj Zacariaspata, paytaj Pasurpata, paytaj Malquiaspata,

¹³paypa familiasnintaj sapa wasi tatas kajkunataj iskay pachaj tawa chunka iskayniyoj karqanku. Amasaitaj Azareelpa wawan karqa, paytaj Azaipata, paytaj Mesilemotpata, paytaj Imerpata.

¹⁴Chaypa familiasnintaj kallpayojkuna maqankojkunaqa pakaj iskay chunka pusajniyoj runas karqanku, kamachejninkutaj Gedolimpa wawan Aabdiel karqa.

¹⁵Levitasmantataj karqanku: Semías, paytaj Hasubpata, paytaj Azrikampata, chaytaj Hasabiaspata, chaytaj Bunipata.

¹⁶Sabitaiwan, Jozabadwanqa levitaspa kuraj kamachejninku karqanku. Paykunaqa mink'asqas karqanku yupaychana wasej jawannejpi llank'achinaspaj.

¹⁷Mataniasqa Micaíaj wawan, chaytaj Zabdijpata, paytaj Asafpata. Payqa takejkunaj kuraj kamachejninku karqa, chay takejkuna Diosman yupaychanamanta takejtinku, jinataj graciasta qojtinku Diosta yupaychana chay horapi. Bacbuquiasqa chay ayllumanta qhapaj kaj kamachej karqa. Abdaqa Samuaj wawan, paytaj Galalpata, chaytaj Jedutumpata wawan karqa.

¹⁸Llimphupaj qhawasqa Jerusalén llajtapi levitasqa tukuyninkupi karqanku iskay pachaj pusaj chunka tawayoj.

¹⁹Punkusta qhawajkunataj karqanku: Acubwan, Talmonwan, chanta familiasninkuwan ima pachaj qanchis chunka iskayniyoj.

²⁰Sacerdotesmanta, levitasmanta puchoj israelitastaj Judá jallp'api, waj llajtitaspipis tiyakaporqanku, sapa ujpis jallp'asninkupi.

²¹Chaywampis Diosta yupaychana wasipi ruwajkunaj kamachejkunasninku Zihawan, Gispawan ima Ofel nisqa cheqapi tiyakaporqanku.

²²Jerusalempi levitaspa kamachejninkoqa karqa Uzi. Payqa Banej wawan karqa, paytaj Hasabiaspata, paytaj Mataniaspata, paytaj Micaiajpata, Asafpa mirayninmantataj karqanku. Paykunaqa takejkunata yachachej kanku, Diosta yupaychana wasipi ruwajkunatawan.

²³Kaytaqa rey kamachisqa, takejkunaqa sapa día rak'iyninkuman jina Diosta yupaychana wasipi ruwanankupaj.

²⁴Judá ayllumanta Seraj mirayninmanta Mesezabeelpa wawan Pataiastaj llajtaj kamachejnin karqa reypa ñaupaqempi, tukuy ima ruwaykunapi.

²⁵Judá ayllumanta wakinkunataj tiyakorqanku: Kiriat-arbapi, Dibompi, Jekabseelpi,

²⁶Josuepi, Moladapi, Bet-peletpi,

²⁷Hazar-sualpi, Beersebapi,

²⁸Siclagpi, Meconapi,

²⁹En-rimompi, Zorapi, Harmutpi,

³⁰Zanoapi, Adulampi, Laquispi, Azecapi ima; tukuy ranchosnimpi chay campo jallp'asnimpi ima. Tiyakorqankutaj Beersebamantapacha Hinon vallekama.

³¹Benjamín ayllumanta kajkunataj tiyakorqanku Gebapi, Micmaspi, Aiapi, Betelpi, chay ranchosnimpi ima.

³²Anatot llajtapipis, Nobpi, Ananiaspi,

³³Hasorpi, Ramapi, Gitaimpi,

³⁴Hadidpi, Seboimpi, Nebalatpi,

³⁵Lodpi, Onopi, Artesanos valle nisqapipis.

³⁶Chay jawataj levitasqa Judá ayllumanta kajkunawan Benjamín ayllupi tiyakorqanku.