Read Quechua Bolivia DC Bible NEHEMÍAS 12 Bible Online

NEHEMÍAS 12 - Quechua Bolivia DC Bible bible

NEHEMÍAS 12

¹Kaykuna kanku sacerdoteswan levitaswan kutimpojkuna, Salatielpa wawan Zorobabelwan, Josuewan ima. Sacerdotesqa kaykuna karqanku: Seraías, Jeremías, Esdras,

²Amarías, Maluc, Hatús,

³Secanías, Rehum, Meremot,

⁴Ido, Gineto, Abías,

⁵Mijamín, Maadías, Bilga,

⁶Semaías, Joiarib, Jedaías,

⁷Salú, Amoc, Hilcías, Jedaías ima. Kaykuna karqanku sacerdotespa kurajkunasninku, jinataj familiasninku ima Josuejpa tiempompi.

⁸Levitastaj kaykuna karqanku: Josué, Binúy, Cadmiel, Serebías, Judá, Matanías ima. Payqa, chay llank'aj masisninwan khuska takiykunaswan Diosta yupaychanapaj mink'asqas karqanku.

⁹Bacbuquiaswan Uniwampis llank'aj masisninkuwan khuska kikillantataj ruwarqanku.

¹⁰Josueqa Joiacimpa tatan karqa, Joiacintaj Eliasibpata, Eliasibtaj Joiadajpata,

¹¹Joiadataj Johanampata, Johanantaj Jaduajpa wawan karqa.

¹²Joiacimpa tiemposnimpitaj sacerdotesqa familiaspi kamachejkuna karqanku: Seraías, familiamantaqa Meraías karqa, Jeremiasmantaqa Hananías karqa;

¹³Esdraspamanta Mesulam, Amariaspamantataj Hohanán,

¹⁴Melicojpamanta Jonatán, Sebaniaspamanta José,

¹⁵Harimpamanta Adna, Meraiotpamanta Helcai,

¹⁶Idojmanta Zacarías, Ginetompamanta Mesulam,

¹⁷Abdiaspamanta Zicri, Miniamimpamanta Moadiaspamantawan Piltai,

¹⁸Bilgammanta Samúa, Semaiaspamanta Jonatán,

¹⁹Joiaribpamanta Matenai, Jedaiaspamanta Uzi,

²⁰Salaipamanta Calai, Amocpamanta Eber,

²¹Hilciaspamanta Hasabías, jinataj Jedaiaspamanta Natanael ima.

²²Eliasib Joiada, Johanán, jinataj Jadúaj tiemposninkumantapacha levitasqa, jinallataj sacerdotespis sapa familiapi tatas jina kamachinankupaj churasqas karqanku, Persiapi rey Daríoj tiemponkama.

²³Levejpa mirayninmanta kajkuna sapa familiapi kamachej tatas jina, chay willaykunasniyoj libropi sutisninkuta qelqacherqanku Eliasibpa allchhin Johanampa tiemponkama.

²⁴Levitaspa kurajkunasninkutaj karqanku: Hasabías, Serebías, Josué, Binúy, Cadmiel ima. Paykunaj llank'aj masisninkupis paykunaj ñaupaqenkupi kasharqanku, sapa ujpis mit'asninkupi Señorta yupaychaspa agradecespa ima, imaynatachus Diospa runan rey David kamachisqanman jina.

²⁵Yaykuna punkusta qhawajkunataj karqanku: Matnías, Bacbuquías, Obadías, Mesulam, Talmón, Acub ima.

²⁶Kaykunaqa kausarqanku Josadacpa allchhin Josuejpa wawan Joacimpa tiemposnimpi, jinataj kamachej Nehemiaspa tiempompi, sacerdote yachachej Esdraspa tiempompi ima.

²⁷Jerusalén perqata Diosman jaywana p'unchay chayamojtinkamataj, tukuynejpi levitasta mask'arqanku, maypichus tiyakusqasninkupi ima. Tarispataj Jerusalenman pusarqanku Diosman perqata jaywanankupaj, kusiywan, takiykunaswan, yupaychaykunaswan ch'ajwarispa platillosta arpasta, lirastapis.

²⁸Takejkuna levitastaj Jerusalén qayllasmanta rerqanku, Netofa ranchosmanta, Gilgal wasismanta, Gebajmanta, jinataj Azmavetpa ranchosninmantapis. Chay takejkunaqa Jerusalén llajta qayllaspi ranchosta ruwakusqanku.

²⁹

³⁰Chaypacha levitas, jinataj sacerdotespis llimphuchakorqanku. Chaymantataj tukuy ayllusta llimphucharqanku, llajtaj punkusninta, perqasninta ima.

³¹Chaymantataj Judá ayllumanta kamachejkunata perqa pataman wicharicherqani. Iskay jatuchaj t'aqasta takejkunata muyurinankupaj churarqani, chay ujnin kaj t'aqaqa perqa patanta rerqa pañaman, Q'opa wijch'una Punku nisqa ladoman.

³²Chay takejkunaspa qhepantataj Osaías risharqa Judamanta khuskan kamachejkunawan.

³³Chaykuna karqanku Azariaswan, Esdraswan, Mesulanwan,

³⁴Judawan, Benjaminwan, Semaiaswan, Jeremiaswan ima.

³⁵Sacerdotesmanta kajkunaqa trompetaswan qhaterqanku, chaykuna karqanku: Jonatampa wawan Zacarías. Paypa ñaupa tatasninkutaj karqanku: Semaías, Matanías, Micaías, Zacur, jinataj Asaf.

³⁶Chay jawa familiasninmantataj karqanku: Semaías, Azarael, Milalsi, Gilalai, Maai, Matanael, Judá, Hanani, ima. Chaykunaqa Diospa runan Davidpa tocanasninta tocaj kanku. Paykunaj ñaupaqenkutaqa yachachej Esdras risharqa.

³⁷Juturi Punku nisqa chaynejta rispa perqa patanta, wicharerqanku Davidpa llajtanman wicharina gradanta, Davidpa palacionninmanta patanejmantapacha Yaku Punku nisqakama, chayqa inti llojsimuynejpi jina kashan.

³⁸Chay iskay t'aqa takejkunataj lloq'eman rerqanku. Noqaqa chay takejkunaj qhepanta perqa patanta rerqani tukuynin runasmanta khuskanninwan Hornos Torre nisqamantapacha chay ancho perqakama.

³⁹Efraín punkunta pasarqayku, chanta Jesanaj punkunnejta, chaymantataj Challwas Punku nisqanejta, Hanaeel Torrenejta, jinataj Cien Torre nisqanejta Ovejas Punku nisqakama. Sayaykorqaykutaj Soldados qhawana Punku nisqapi.

⁴⁰Chaymantataj iskaynin takejkuna t'aqas Diospa wasinman yaykuporqanku. Noqataj chay kamachejkunawan khuska yaykullarqaykutaj.

⁴¹Trompetasta waqachej sacerdotestaj karqanku: Eliacim, Maaseías, Miniamín, Micaías, Elioenai, Zacarías, Hananías,

⁴²Maasías, Semaías, Eleazar, Uzi, Johanán, Malquías, Elam, Ezer ima. Takejkunataj tukuyninku ujllapi sinch'ita takerqanku, Izrahíastaj paykunata yachachisharqa.

⁴³Chay p'unchaypi ashkha uywa wañuchisqasta jaywarqanku, runastaj mayta kusikorqanku Dios paykunaman jatun kusiyta qosqanrayku. Warmiswan wawaswampis sinch'itapuni kusikusharqanku. Jerusalempi kusikusqankoqa karumantapacha uyarikorqa.

⁴⁴Chay tiempopi runasta churarqanku waqaychana wasispi jallch'achinankupaj, qolqe kajmanta jaywanasta, ñaupaj poqojkunamanta, sapa chunkamanta ujnin t'aqasqata, leypa nisqanman jina. Chaykunataqa sapa llajtamanta chayachimoj kanku sacerdotespaj, levitaspajwan. Judamanta kajkunaqa maytapuni kusikorqanku sacerdoteswan, levitaswan chay jina k'achatapuni ruwasqankumanta.

⁴⁵Sacerdoteswan levitaswan Diosninkuman yupaychanasta qoj kanku, jinataj chay llimphuchakuna nisqatawan ruwaj kanku. Jinallataj takejkunawan, punku qhawajkunawampis ruwaj kanku Davidwan wawan Salomonwan nisqankuman jina.

⁴⁶Ñapis Davidpa, chanta Asafpa tiemposninmantapacha kurajkunas churasqas karqanku, takiykunata, Diosman yupaychaykunasta, graciasta qoykunastawan yachachinankupaj.

⁴⁷Ajinaqa Zorobabel kamachishajtin, jinataj Nehemías kamachishajtimpis, tukuynin Israel ayllumanta kajkuna sapa día mikhunasta apamoj kanku, takejkunapaj, punku qhawajkunapaj levitaspajwan. Levitaspis t'aqaspa qollajtaj kanku Aarompa mirayninmanta kajkunaman.