Read Quechua Bolivia DC Bible NEHEMÍAS 7 Bible Online

NEHEMÍAS 7 - Quechua Bolivia DC Bible bible

NEHEMÍAS 7

¹Perqa tukusqaña kajtin, punkuspis churasqasña kajtin, punku qhawajkuna, takejkuna jinataj levitaspis churasqas karqanku.

²Chaymantataj hermanoy Hananita Jerusalempi kamachinampaj churarqani. Hananiastapis Jerusalempa pakakuna sinch'ichaspa wasinta qhawanampaj churarqani. Hananiasqa k'acha runa karqa waj runasmanta nisqaqa, Diostaqa astawan manchachikoj.

³Paykunaman nerqani ama punkusta kicharinankuta inti allinta q'oñirimunankama, nerqan itaj wisq'akunankuta, trankaykamunankutataj qhawajkuna soldados sayanasninkupi kanankukama. Jinallataj Jerusalempi tiyakojkunata qhawajkunata churarqani, wakintaqa chay qhawanasninku cheqampi, wakintataj wasisninku punkuspi.

⁴Llajtaqa may jatun, chhikan campoyojtaj karqa. Chaypitaj runasqa pisillaraj tiyakorqanku, manaraj watejmanta wasis oqharisqachu kasqanrayku.

⁵Chaypacha Diosqa sonqoyman parlawarqa, chay allichaj kaj runasta, aylluta kamachejkunata, tukuy ayllupi kaj runastapis tantaykunayta, sapa familiata libroman qelqaykunaypaj. Tarerqanitaj chay ñaupaj chayamojkunaj sutisnin qelqasqasniyoj kaj librota. Chaypitaj kay jina qelqasqa kasharqa:

⁶Kaykuna kanku presochasqasmanta kutimpojkuna. Paykunaqa rey Nabucodonosorpa kamachisqanman jina Judá jallp'amanta Babiloniaman apasqas karqanku. Paykunamanta wakinkuna Jerusalenman, Judá jallp'amantaj kutimporqanku, sapa ujninku llajtankuman yaykuporqanku.

⁷Paykunata pusarejkunaqa kaykuna karqanku: Zorobabel, Josué, Nehemías, Azarías, Raamías, Nahamani, Mardoqueo, Bilsán, Mispar, Bigvai, Nehum, Baana ima. Israel ayllumanta yupasqa qharisqa kay jina karqanku:

⁸Parospa ayllunmanta, iskay waranqa pachaj qanchis chunka iskayniyoj;

⁹Sefatiaspa ayllunmanta, kinsa pachaj qanchis chunka iskayniyoj;

¹⁰Araj ayllunmanta, sojta pachaj phishqa chunka iskayniyoj;

¹¹Pahat-moabpa ayllunmanta, Josuejpamanta, Joabpamantawan iskay waranqa pusaj pachaj chunka pusajniyoj;

¹²Elampa ayllunmanta, waranqa iskay pachaj phishqa chunka tawayoj;

¹³Zatuj ayllunmanta, pusaj pachaj tawa chunka phishqayoj;

¹⁴Zakaipa ayllunmanta, qanchis pachaj sojta chunkayoj;

¹⁵Binuypa ayllunmanta, sojta pachaj tawa chunka pusajniyoj;

¹⁶Bebaipa ayllunmanta, sojta pachaj iskay chunka pusajniyoj;

¹⁷Azgadpa ayllunmanta, iskay waranqa kinsa pachaj iskay chunka iskayniyoj;

¹⁸Adonicampa ayllunmanta, sojta pachaj sojta chunka qanchisniyoj;

¹⁹Bigvaejpa ayllunmanta, iskay waranqa sojta chunka qanchisniyoj;

²⁰Adimpa ayllunmanta, sojta pachaj phishqa chunka phishqayoj;

²¹Aterpa ayllunmanta, Ezequiaspatawan isq'on chunka pusajniyoj;

²²Hasumpa ayllunmanta, kinsa pachaj iskay chunka pusajniyoj;

²³Bezaejpa ayllunmanta, kinsa pachaj iskay chunka tawayoj;

²⁴Harifpa ayllunmanta, pachaj chunka iskayniyoj;

²⁵Gabaompa ayllunmanta isq'on chunka phishqayoj;

²⁶Belén llajtayojkunawan, Netofamanta kajkunapiwan pachaj pusaj chunka pusajniyoj karqanku;

²⁷Anatotpa ayllunmanta, pachaj iskay chunka pusajniyoj;

²⁸Bet-azmavetmanta kajkuna, tawa chunka iskayniyoj;

²⁹Quiriat-jearimmanta, Cafiramanta, Beerotmantawan kajkunataj qanchis pachaj tawa chunka kinsayoj;

³⁰Ramamanta, Gebamantawan kajkuna, sojta pachaj iskay chunka ujniyoj;

³¹Micmasmanta kajkuna pachaj iskay chunka iskayniyoj;

³²Betelmanta, Haimantawan kajkuna pachaj iskay chunka kinsayoj;

³³chay waj Nebomanta kajkuna, phishqa chunka iskayniyoj;

³⁴chay waj Elampa ayllunmanta, waranqa iskay pachaj phishqa chunka tawayoj;

³⁵Harimpa ayllunmanta, kinsa pachaj iskay chunkayoj;

³⁶Jericopi kajkunamanta, kinsa pachaj tawa chunka phishqayoj;

³⁷Lodpata, Hadidpata, Onoj ayllumpiwan qanchis pachaj iskay chunka ujniyoj;

³⁸Senaaj ayllunmanta, kinsa waranqa isq'on pachaj kinsa chunkayoj;

³⁹Sacerdotesmanta, Jedaiaspa, Josuejpa ayllunmanta ima isq'on pachaj qanchis chunka kinsayoj;

⁴⁰Imerpa ayllunmanta waranta phishqa chunka iskayniyoj;

⁴¹Pasurpa ayllunmanta waranqa iskay pachaj tawa chunka qanchisniyoj:

⁴²Harimpa ayllunmanta, waranqa chunka qanchisniyoj;

⁴³levitas ayllumanta: Josuejpamanta, Cadmielpamantawan, Hodaviaspa ayllunmantawan qanchis chunka tawayoj karqanku.

⁴⁴Takejkuna karqanku: Asafpa ayllunmanta pachaj tawa chunka pusajniyoj;

⁴⁵Punku qhawajkunajta: Salumpata, Aterpata, Talmompata, Acubpata, Hatitajta, Sobaipa ayllumpamantwan pachaj kinsa chunka pasajniyoj.

⁴⁶Diosta yupaychana wasipi imastapis ruwajkunajta ayllumanta karqanku: Zihajta, Hasufajta, Taboatpata,

⁴⁷Querospata, Siahajpata, Padompata,

⁴⁸Lebanajpata, Hagabajpata, Salmaejpata,

⁴⁹Hananpata, Gidelpata, Gaharpata,

⁵⁰Reaiajpata, Rezimpata, Necodajpata,

⁵¹Gazampata, Uzajpata, Paseahpata,

⁵²Besaejpata, Mehunimpata, Nefusimpata,

⁵³Bacbucpata, Hacufajpata, Harhurpata,

⁵⁴Bazlutpata, Mehidajta, Harsajta,

⁵⁵Barcospata, Sisarajta, Temajta,

⁵⁶Neziajta, Hatifajta ima.

⁵⁷Salomompa kamachisnimpa ayllunmanta kaykuna karqanku: Sotaejpa ayllunmanta, Soferetpa ayllunmanta, Perudajmanta,

⁵⁸Jaalajpamanta, Darcompamanta, Gidelpamanta,

⁵⁹Sefatiaspamanta, Hatilpamanta, Poqueret-hazebaimpamanta, Amompamanta ima.

⁶⁰Diosta yupaychana wasipi ruwajkunawan, Salomompa kamachisnimpa ayllusninwan imaqa tukuynimpi kinsa pachaj isq'on chunka iskayniyoj karqanku.

⁶¹Tel-melamanta, Tel-harsamanta, Querubmanta, Adonmanta, Imermantawan llojsimojkunaqa, mana sut'inchayta aterqankuchu, mayqen miraymantachus, mayqen ayllumantachus kasqankuta. Manallataj yacharqankuchu, ñaupa tatasninkoqa israelitaschus karqanku manachus chayta. Paykunataj kaykuna karqanku:

⁶²Delaiaj ayllunmanta, Tobiaspa ayllunmanta, Necodaj ayllunmantawan sojta pachaj tawa chunka iskayniyoj karqanku.

⁶³Sacerdotespa ayllusninmanta kajkunataj karqanku: Abaiaj ayllunmanta, Cospa ayllunmanta, Barzilaipa ayllunmantawan; payqa Galaadpi Barzilaipa ujnin kaj warmi wawanwan casarakorqa, paykunaj sutinkutataj aparqa.

⁶⁴Paykunaqa sutisninkuta mask'arqanku aylluspa sutisninku qelqasqas kasharqa chay libropi, manataj sutisninkuta tarisqankurayku sacerdote kaymanta wijch'usqas karqanku.

⁶⁵Chay jawaqa kuraj kamachej nerqa, kamachispa ama mikhunankuta chay llimphupaj qhawasqa mikhunamanta sacerdote kayta yachanankama, Urim, jinataj Tumin ima imatachus nisqankuta.

⁶⁶Chay tantasqa runasqa tukuyninkupi karqanku tawa chunka iskayniyoj waranqa kinsa pachaj sojta chunkayoj runas.

⁶⁷Chaypacha mana yuparqankuchu qhari kamachista, nitaj warmi kamachistapis. Paykunaqa tukuyninkupi karqanku qanchis waranqa kinsa pachaj kinsa chunka qanchisniyoj runas. Takejkunataj qharis kajmanta, jinataj warmis kajmanta iskay pachaj tawa chunka phishqayoj karqanku.

⁶⁸Caballosninkoqa qanchis pachaj kinsa chunka sojtayoj karqa. Mulaspis iskay pachaj tawa chunka phishqayoj karqanku.

⁶⁹Camellospis tawa pachaj kinsa chunka phishqayoj karqa. Burrostaj sojta waranqa qanchis pachaj iskay chunkayoj karqanku.

⁷⁰Wakin familiasmanta kamachejkuna chay ruwana kaj ruwanasninkupaj jaywanasninku kajta qorqanku. Kuraj kaj kamachejqa qorqa pusaj kilos qorita, phishqa chunka jatuchaj vasosta, phishqa pachaj kinsa chunkayoj sacerdote p'achasta ima, chay qolqe jallch'ana wasipi kanampaj.

⁷¹Sapa familiapi kamachejkunapis qollarqankutaj llank'achinankupaj qolqe jallch'anaman pachaj sojta chunkayoj kilos qorita, waranqa iskay pachaj chunkayoj kilos qolqetawan.

⁷²Wakin runastaj qorqanku pachaj sojta chunkayoj kilos qorita, waranqa pachajniyoj kilos qolqeta, qanchis chunka qanchisniyoj sacerdote p'achastawan.

⁷³Sapa ujninku llajtasninkupi tiyakaporqanku: Sacerdotes, levitas, punkusta qhawajkuna, takejkuna, llajtamanta kajkuna, Diosta yupaychana wasipi ruwajkuna, jinallataj tukuynin israelitaspis. Qanchis killa chayamunampajtaj israelitasqa ñapis llajtasninkupiña kasharqanku.