Read Quechua Bolivia DC Bible ÉXODO 35 Bible Online

ÉXODO 35 - Quechua Bolivia DC Bible bible

ÉXODO 35

¹Moisesqa tukuynin israelitasta tantachispa paykunaman nerqa: Kay jinata Señorqa kamachiwan, kay jinata ruwakunanta:

²Sojta p'unchayta llank'ankichej, qanchis kaj p'unchaypitaj Diosta yupaychaspa samarikunkichej, pillapis chay p'unchaypi llank'ajqa, wañonqa.

³Ni maypi, ni mayqenniykichej wasisniykichejpi ninallatapis amapuni jap'ichinkichejchu chay samarina p'unchaypeqa.

⁴Moisesqa tukuynin israelitasman parlarqa, kay jinata: Kayta Señorqa kamachin:

⁵Qankuna ukhupi ofrendata Señorpaj oqhariychej tukuy runas, tukuy sonqowan maytachus qoyta munasqankuman jina apamonqanku qorita, qolqeta, bronceta, telasta; lilata, puka pantita, pukata, sumajnin kaj linota, cabra pelosmanta ruwasqata, pukaman teñisqa oveja qarasta, qowi qarasta, acacia maderasta, k'anchachinapaj aceiteta, sumaj k'achata q'apaj imasta jawina aceitepaj, k'achata q'apashajta inciensopaj, ónice rumita, efodta k'acha rumiswan k'achanchanapaj, sacerdotej ima k'achanchanapajwan.

¹⁰Tukuy qankuna ukhupi yachayniyojkuna imastapis k'achitusta ruwajkuna jamuchunku, imastachus Señor kamachin chaykunata ruwanankupaj: Diospa tiyakunanta, toldo wasita, imaswanchus qhatasqa chayta, ganchosninta, tablasninta, k'aspisninta, postesninta, chukusninta, cajonta, chay cajonta wantuspa apana k'aspisninta, cajompa kirpananta, wasita velos pakan chaykunata, mesata, apana k'aspisninta, imaschus chay mesapi kan chaykunata, Diosman jaywasqa t'antata, k'anchachinata, imasninchus tiyan chaykunatawan, puntasnimpi k'anchan chaykunata, k'anchachina aceiteta; incienso altarta, apana k'aspisninta, jawina aceiteta, k'achata q'apaj inciensota, Dioswan tinkukuna toldo punku yaykuyta jark'achina telasta; rikuchiku ruphachina altarta, broncemanta ruwasqa telasninta, chay altarta apana k'aspisninta, imaschus tukuy chaykunapi tiyan chaykunata, mayllakuna ch'illamita, maypichus chay sayasqa kashan chaynintinta; pationta jark'achina telasta, kurkusninta, imaspichus chay k'aspis sayashan chaykunata, patio punku jark'ach(...)

²⁰Tukuynin israelitas Moisespa ñaupaqenmanta riraporqanku.

²¹Chaymantataj ofrendasta apamorqanku mashkhatachus tukuy sonqowan qoyta munarqanku chayta, astawanqa apamorqanku Dioswan tinkukuna toldo nisqa ruwakunampaj, imaswanchus kanan karqa chaykunata, imasninchus kanan karqa chaykunapaj; sacerdote p'achasta ima.

²²Ajinata jamorqanku qharis warmis ofrendas aparisqas, mashkhatachus sonqonkupi qoyta munasqankuman jina. Chaypi apamorqanku kaykunata: Jap'ichinasta, faluchosta, qori sortejasta, walqasta, imaschus qorimanta ruwasqa karqa chaykunatawan. Ajinata Señorman ofrendasta apamorqanku.

²³Chaymantaqa apamullarqankutaj imasninchus karqa chaykunata: Lila telasta, puka pantita, pukata, sumaj linomanta ruwasqata, cabra pelosmanta ruwasqasta, pukaman teñisqa oveja qarasta, qowi qarasta ima.

²⁴Pikunachus Señorman ofrendata qorqanku qolqeta, bronceta ima chaykunata apamorqanku. Chantaqa pikunajtachus tiyaporqa acacia maderasninku chaykunapis apamullarqankutaj, imaschus ruwakunan karqa chaykuna ruwakunankupaj.

²⁵Tukuy yachayniyoj warmispis ofrendasninkuta apamullarqankutaj, imastachus makisninkuwan sumaj t'ipasqasninkuta: Lilata, puka pantita, pukata, sumaj linomanta t'ipasqasta ima.

²⁶Chanta apamullarqankutaj pi warmischus cabra pelosmanta imastapis t'ipasqasninkuta.

²⁷Kurajkunastaj apamorqanku ónice rumista, sumaj k'acha llusk'achasqa rumista efod nisqapaj, chantaqa warkhuna nisqapajwan.

²⁸Chantaqa apamullarqankutaj k'acha q'apaj jawinasta, k'anchanapaj aceiteta, pischus t'aqasqas kajta jawinapaj aceiteta, k'acha q'apaj inciensopajwan.

²⁹Ajinata tukuy qharis warmis ofrendasninkuta israelitasqa apamorqanku maskhatachus tukuy sonqowan, kusiywantaj qosqankuta, imaynatachus Moisesman Señorqa kamachisqanman jina imastachus ruwanankupaj.

³⁰Moisesqa israelitasman nerqa: Qhawariychej, Señorqa ñapis ajllanña Judá ayllumanta Urpa allchhin Urej wawan Bezaleelta.

³¹Payman junt'achin Diospa Espiritunwan pay sumaj yachayniyoj kanampaj, jinamanta kay mundopi imasmanta sumajta yachanampaj, imastapis k'achitusta yuyaynillanmanta ruwanampaj.

³²Qhawariytawan imastapis ruwanampaj, qorimanta, qolqemanta, broncemanta, rumismanta k'acha llusq'etusta ruwanampaj, maderamanta, imallamantapis k'achitustapuni ruwanampaj.

³⁴Chantaqa ajllallantaj yachachinampaj Dan ayllumanta Ahisamacpa wawan Aholiabta, payman qon yachayta tukuy sonqowan yachachinampaj, tukuy imata k'achitusta ruwachinampaj pallayniyojta lila p'achaspi, puka panti p'achaspi, puka p'achaspi, sumaj lino p'achaspi, awasqa p'achaspipis. Ajinata imallatapis imaynachus señalasqa kashan chayman jina ruwanankupaj.