Read Quechua Bolivia DC Bible ÉXODO 38 Bible Online

ÉXODO 38 - Quechua Bolivia DC Bible bible

ÉXODO 38

¹Bezaleelqa ruwallarqataj rikuchikusta ruphachina altarta acacia maderamanta. Sayt'unman karqa iskay chunka phishqayoj centimetrosniyoj, kikillantaj kinrayninman karqa, patamantaj karqa uj metro iskay chunka phishqayoj centimetrosniyoj.

²Tawantin esquinasninmantaj ruwarqa wajrasta jina, chaytaj ujlla altarwan karqa. Jinaytawantaj broncetawan patanman churarqa.

³Broncellamantataj imaschus chay mesapi kanan karqa chaykunata: Ushphirusta, palasta, tazasta, tenedoresta, brasasta apaykachanasta ima.

⁴Chay altar pataman trancanampaj ruwarqa uj rejillata broncemanta, chaytataj churarqa altar uraman, chaytaj altarpa khuskasninkama chayarqa.

⁵Rejillata broncej tawantin cantosninman churanampaj ruwarqa tawa ningrista sortejasta jina, chayninta k'aspista pasachinampaj chaymantataj oqharispa maymampis apanapaj.

⁶Chay k'aspismanqa acacia maderamanta ruwaytawan bronceta k'askaykucherqa.

⁷Jinaytawantaj chay k'aspista altarpa ningrisninta pasacherqa, chaymanta oqharispa maymampis rispa apaykachanapaj. Altarpa ukhonqa cajón jina jusk'ulla karqa.

⁸Chaymantaqa Bezaleel ruwallarqataj uj broncemanta uj ch'illamita, Diospa tinkukuna toldo punkupi sirvej warmispa espejosninkumanta. Ajinallataj sayaynintapis.

⁹Bezeleelqa patiota ruwallarqataj. Uray ladoman, patioqa karqa chunka phishqayoj metros, t'ullkusqa linomanta awasqa cortina.

¹⁰Postesninta sayaracherqa iskay chunkata sapa ujninta bronce chukus patapi. Sapa postespi ganchosnin ningrisnin imaqa qolqemanta ruwasqas karqanku.

¹¹Pata uyaman karqa cortinas tawa chunka phishqayoj metrosniyoj, awasqaswan muyuykuchisqas iskay chunka postesniyoj, iskay chunka chukus patapi sayasqas qolqe ganchosniyoj, qolqe ningrisniyoj ima.

¹²Inti yaykuy ladomanta awasqaswan muyuykucherqa cortinasta iskay chunka iskayniyoj metros khuskanniyojwan, chunka postesniyojta chunka bronce chukus patapi sayasqasta. Postesta qolqe ganchosniyojta qolqe ningrisniyojta ima.

¹³Inti llojsimuy ladomanta kikillantataj muyuykucherqa iskay chunka iskayniyoj metros khuskanniyoj awasqaswan.

¹⁴Yaykuna chaynejmantataj muyuykucherqa kinsa postesta bronce chukus patapi sayachispa qanchis metros awasqawan.

¹⁵Uj ladonmantataj, ujnin punkun yaykuynejman muyuykucherqa kikillantataj kinsa postesta sayachispa chukus patapi qanchis metros awasqawan.

¹⁶Patioj muyuyninta muyuykucherqa perqata jina, chay awasqaqa karqa t'ullkusqa linomanta.

¹⁷Postespa sayanasnenqa broncemanta karqa. Chay postespa ganchosnin, ningrisnin imataj karqanku qolqemanta. Jinallataj chay postespa puntasnin qolqeyoj jawisqas karqanku. Patioj postesnenqa tukuynin qolqe ningrisniyoj karqanku.

¹⁸Patioj punkunta jark'achinaqa sumaj k'acha pallayniyoj ruwasqa karqa, lilamanta, puka pantimanta, pukamanta, t'ullkusqa linomanta ima. Sayt'unman karqa isq'on metros, kinrayninmantaj iskay metros iskay chunka phishqayoj centimetrosniyoj; pataman kikillantaj karqa, patioj jark'achinasnin jina.

¹⁹Chaykunataj karqanku tawa postes bronce chukus patapi sayasqas, qolqe ganchosniyoj, qolqe ningrisniyoj; chantapis chay postesqa puntasnin qolqeyoj karqanku.

²⁰Diospa wasin nisqa wasej estacasnin patiojta imaqa, tukuyninku broncemanta karqanku.

²¹Moisespa kamachisqanman jina, levitas yuparqanku, metal rumista Dioswan tinkukuna toldota ruwanapaj. Levitastaqa Aarompa wawan Itamar kamachisharqa.

²²Urpa allchhin Bezaleel Urej wawan Judá ayllumanta kajqa, tukuy imata ruwarqa Moisesman Señor kamachisqanman jina.

²³Paywan karqa Dan ayllumanta Ahisamacpa wawan Aholiab, mayqenchus artesano karqa, imastapis yuyayninman jina ruwaj, k'acha pallayniyojta lilamanta, puka pantimanta, pukamanta, sumajnin kaj linomantawan.

²⁴Ima qoriwanchus Diospa tiyananta ruwarqanku chayqa, Señorman qosqas ofrenda qoris karqa. Chay qoreqa karqa tukuynimpi isq'on pachaj sojta chunka phishqayoj waranqa kilos, kinsa chunka granosniyoj, imaynachus Diospa tiyanampi kasqanman jina.

²⁵Yupachikusqankuman jina apamusqanku qolqeqa karqa kinsa waranqa kinsa pachaj chunka isq'onniyoj kilos, phishqa pachaj iskay chunka phishqayoj gramosniyoj, imaynachus Diospa tiyanampi kasqanman jina.

²⁶Tukuy iskay chunka watayojmanta pataman yupachikojkuna karqanku sojta pachaj kinsayoj waranqa phishqa pachaj phishqa chunkayoj israelitas. Chaykuna apamorqanku ofrenda qolqeta sapa ujninku phishqa gramos khuskanniyojta, maskhachus Diospa tiyanampi kasqanman jina.

²⁷Diospa tiyanan sayanasninta ruwanapaj qolqeqa karqa kinsa waranqa kinsa pachaj kilos, veloj sayanasnimpajwan. Chay qolqemanta pachaj chukusta ruwarqanku, sapa uj chuku karqa kinsa chunka kinsayoj kilosmantakama.

²⁸Waranqa qanchis pachaj phishqa chunka phishqayoj kilos qolqewan, runasmanta jap'isqaswan Bezaleelqa, ruwarqs postespata, ganchosninta. Chaytataj postesman puntasmampis k'askaykucherqa.

²⁹Ofrenda broncestaj chayarqa iskay waranqa kinsa pachaj kinsa chunka sojtayoj kilosman, tawa pachaj gramosniyojmanwan.

³⁰Chay broncemanta ruwakorqa Dioswan tinkukuna toldoj, altar bronce, chay altarpa rejillan. Chantaqa imaschus altar patapi churasqas karqanku chaykunasnintin.

³¹Chaymantaqa patioj postesnimpa sayanasnin, estacasnin, mayqenchus Diospa tiyanaj muyuynimpi churasqa karqa chaykuna, patioj punkusnin estacasnin.