Read Quechua Bolivia DC Bible JOB 10 Bible Online

JOB 10 - Quechua Bolivia DC Bible bible

JOB 10

¹Sonqoyqa kay kausayniymanta sayk'usqaña kashan, tukuy llakiyniyta willakusajpuni, atisqayta parlasaj llakiy kausayniymanta.

²Diosmantaj nisaj: Ay Diosníy, ama juchachawaychu ari; niway ari imamantachus juchachawasqaykita!

³Qanllataj ruwawarqanki, qanmanqa allinchu rijch'asunki kay jinata ñak'arichinawayki, chejninawaykitajqa, sajra runaspa wakichisqankuta yanapanaykeqa?

⁴Qampataqa aycha ñawisniyki tiyanchu, runas jina imatapis rikunaykipaj?

⁵Qampa kausayniykeqa runaspata jinachu, watasniykipis wañoj runaspata jinachu?

⁶Jina kajtenqa, ima nispataj purinkiri, millay juchasniyta sajra ruwasqasniytawan mask'aspari?

⁷Mana juchayoj kasqayta yachashaspapis, qampa atiyniykimanta ni pipis qhechuyta atishawajtinri,

⁸Qanqa kikin makisniykiwan ruwawarqanki. Kunantaj chinkachiyta munawanki!

⁹Yuyarikuy ari t'urumanta ruwawasqaykita! Kunanqa ñut'u jallp'allamantajchu tukuchiwanki?

¹⁰Qanqa tukuy ukhuyta ruwawarqanki, imaynatachus lechemanta llujlla queso ruwakun jinata.

¹¹Qanqa p'achallichiwarqanaki aychawan, qarawan, sayaykuchiwarqankitaj tulluswan, ankuswan ima.

¹²Kausayta khuyakuyta ima qowarqanki; k'achata qhawakuwaspataj kausachikuwanki.

¹³Kay imastaqa sonqollaykipi waqaychasharqanki, noqa yachani chaykunaqa sumaj pakasqata jap'isqaykita.

¹⁴Qanqa allinta qhawashawarqanki, juchallikonqachus manachus nispa, ajinamanta juchallikusqayrayku juchachanawaykipaj.

¹⁵Sichus juchayoj kani chayqa, chinkachisqa kani; sichus mana juchayojchu kani chayri, manallataj kusikuyta atinichu, imaraykuchus qanqa noqata jap'iwanki may ñak'ariywan llakisqata, p'enqachispataj.

¹⁶Sichus umayta oqharini chayqa, qanqa león jina jap'iwankipacha, noqapitaj t'ukuna imasta ruwanki chinkachinawaykirayku.

¹⁷Contrayta willasojkunaqa tiyampuni, k'ajaj phiñakuyniykitaj astawan yapakushan contrayta; mana sayk'uspa uj t'aqa soldados jina qhatiykachawanki.

¹⁸Imapajtaj mamaypa wijsanmanta orqhowarqankiri? Kikimpi wañuyman karqa amaraj pipis rikushawajtin.

¹⁹Chinkapullayman karqa manapis jayk'aj kaymanchu karqa jina. Mamaypa wijsallanmanta sepulturaman yaykupuyman karqa.

²⁰Pisi watasta kausanay kashan, saqeway ari samakojta, saqeway ari uj chhikallantapis kusikojta.

²¹Amaraj mana jayk'aj kutirimoj ripushaspa, laqha, wañuy llanthu llajtaman.

²²Uj laqha jallp'aman, maypichus mana imapis rikukunchu chayman, chaypi kaj k'anchaypis kay laqhas jinallataj.