Read Quechua Bolivia DC Bible JOB 2 Bible Online

JOB 2 - Quechua Bolivia DC Bible bible

JOB 2

¹Uj p'unchay jamullarqankutaj Diospa wawasnin, Señorpa ñaupaqenman; chaypacha Supaypis paykunawan jamullarqataj Señorpa ñaupaqenman.

²Señortaj taporqa: Maymantá jamushankiri?, nispa. Supaytaj kuticherqa: Kay jallp'ata puriykachaspa muyumusqaymanta jamushani, nispa.

³Señortaj nerqa: Manachu kamachiy Jobta repararqanki? Pay jina runaqa kay jallp'a patapi mana kanchu, payqa noqaj kamachisqayta tukuy sonqo ruwan, sumaj cheqanta kausan, Diosta manchachikun, sajramantapis karunchakun. Qanqa mana imallamanta paypa contranta ruwanayta munashajtiykipis, payqa sonqompi cheqallampuni kashan.

⁴Supayqa Señorman kuticherqa: Pillapis tukuy ukhun allillampuni kajtenqa, tukuy imanta qoyta atin.

⁵Kunanqa nanaykuchiy tullunta aychantawan, chaypacha rikunki uyaykipi maldicisusqanta.

⁶Señortaj, Supayman kuticherqa: Chayqa makiykipi kashan, kausaynillanta ama t'ojpinkichu.

⁷Supayqa Señorpa ñaupaqenmanta llojsiytawan, Jobman uj millay sarna onqoyta apachimorqa. Chaytaj tukuy ukhunman junt'aykorqa, chaki puntanmanta uma puntankama.

⁸Chaypacha Jobqa ushpha chaupiman tiyakoj rerqa, uj k'analla p'akisqata jap'ispataj chaywan kitukorqa.

⁹Warmintaj nerqa: Qanqa Diosta sonqoykipi yuyarishallankipunichu? Diosta maldiciy, jinaspataj wañuy ari!, nispa.

¹⁰Jobtaj payman nerqa: Warmi, ama mana kaj sonserasta parlaychu! Sichus noqanchej Señorpa sumaj imasta apachimuwasqanchejta jap'inchej chayqa, imaraykutaj mana jap'iyta atisunmanchu mana allin imasta apachimuwasqanchejtapis? Chay tukuywampis Jobqa manapuni Diospa contranta siminwan juchallerqachu.

¹¹Jobpataqa kinsa kausaqesnin karqa: Temán jallp'amanta Elifaz, Súa jallp'amanta Bildad, Naamat jallp'amanta Zofarpiwan. Paykunaqa chay jina manchay llakiykuna Jobpaj kasqanta yachaspa, sapa ujninku parlarikorqanku, rispa Jobta waturikamunankuta, chay jina llakiynimpi sonqocharimunankuta.

¹²Karullamantaraj qhawariytawan mana rejsiyta aterqankuchu Jobtaqa, chayrayku qhaparerqanku, waqarqankutaj, p'achasninkutataj llik'irakorqanku, jallp'awantaj pataman umasninkuman ima qhallarqanku.

¹³Chaymantaqa paywan pampapi tiyarqanku qanchis p'unchayta, qanchis tutatawan; nitaj uj simillatapis parlapayaykorqankuchu. Paykuna rikorqanku Jobqa maytapuni nanaywan kashasqanta.