Read Quechua Bolivia DC Bible JOB 6 Bible Online

JOB 6 - Quechua Bolivia DC Bible bible

JOB 6

¹Chaymanta Jobqa kutichispa nerqa:

²Ay, sichus kay tukuynin ñak'arisqay, llakiyniy ima, uj pesaspi pesakunkuman chayqa!

³Pesakunkuman mar qocha t'iyumanta astawan; chayrayku imatapis usqhayllata parlarpani.

⁴Tukuy Atiyniyojpa flechasnin noqapi sumaj takasqas kashanku, chaypa venenosnin tukuy ukhuyta pasawan, Diospa jatun manchachiykunasnin noqawan maqanakushawanku.

⁵Burroqa pastopi kashaspa waqanchu? Toropis pastopi kashaspa muwanchu?

⁶Q'ayma mikhoyqa mikhuchikunchu mana kachiyojqa? Runtoj yurajnenqa sumaj q'apayniyojchu?

⁷Imatachus mana jayk'ajpis mikhuyta munajchu kani; chaymin kunanqa mikhuyneyqa.

⁸Allin kanman Diosqa qonawan imatachus mañakusqayta, allin kanman imatachus munasqayta qonawan!

⁹Allin kanman Diosqa usqhayta tukuchinawan, makisninwan phirita ruwanawampis!

¹⁰May jinata ñak'arichiwajtimpis, noqapajqa may kusiy kanman; noqaqa Diospa leyninta waqaychanipuni.

¹¹Manaña kallpay kanchu chay imasta jap'ikunaypaj; imapajñataj kausasajri?

¹²Kallpayqa rumi jina sinch'ichu? aychayqa broncemantachu?

¹³Mana noqa kikiypeqa atienikunichu, nitaj pipis yanapariwaj kanchu.

¹⁴Pi llakisqatapis kausaqenqa sonqochaykurin; pichus Tukuy Atiyniyojta qonqapojtimpis sonqochaykurin.

¹⁵Qankuna, kausaqesníy, saqerpariwankichej, qankunaqa qhonchu yaku jina usqhayllata chinkarinkichej.

¹⁶Chhullunkawan pakaykusqa, rit'iwan khataykusqataj.

¹⁷Q'oñi tiempo chayamojtintaj chhullurparin, chay yakutaj ch'akipun.

¹⁸Chay yakuta mask'aspa ñanninkumanta wist'uykunku, chay ch'aki pampanta rishaspallapuni chinkapuni.

¹⁹Temanmanta purejkuna qhawarqanku tarinankuta, Sabamanta kajkunataj suyanku yaku kananta.

²⁰Chayaytawan chay jina suyashaspa k'asakunku, chay wayq'opitaj t'ukusaj qhepakunku.

²¹Cheqamanta qankunaqa noqapaj chay wayq'o jina kankichej; qankuna rikuwankichej imaynachus kasqayta, mancharikunkichejtaj.

²²Noqaqa mana imaykichejtapis mañakuykichejchu, nitaj munanichu kay ñak'ariymanta qolqeykichejwan orqhonawaykichejta.

²³Mayqen enemigoymantapis qhechuwaychej nerqaykichejchu, chayri sajra runaspa makinmantapis kacharichiwaychej nerqaykichejchu?

²⁴Yachachiwaychej allin imasta, noqataj ch'inmanta uyarisqaykichej; rikuchiwaychej ari ima sajratachus ruwasqayta.

²⁵Cheqan palabrasqa allimpuni mana qhesachanapaj jinachu; qankunarí mana allinta unanchaspalla juchachashawankichej.

²⁶Qankunaqa palabrasniymanta k'amiwankichej, chay qhasi manakaj palabrastaqa wayra apakapun.

²⁷Qankunaqa wajcha runaj kausayninman pujllakunkichej, uj t'oqotataj kausaqaykichejpaj allankichej!

²⁸Kunanqa sichus munankichej chayqa, uyayta qhawariwaychej, niwaychejtaj sichus llullakushani chayqa.

²⁹Kunanqa kutirichiychej chay nisqaykichejta, ama sajrasqa kaychejchu, reparaychej cheqan runa kasqayta.

³⁰Qankunaqa creenkichejchu noqa llulla kasqayta, imatachus parlasqayta mana reparakusqayta?