Read Quechua Bolivia DC Bible SALMO 116 Bible Online

SALMO 116 - Quechua Bolivia DC Bible bible

SALMO 116

¹Señorta munakuni mañukusqayta uyariwasqanrayku,

²imaraykuchus mañakusqayta uyariwampuni. Tukuy kausayniypi payllatapuni wajyakusaj!

³Wañoyqa lazosninwan ch'ipaykuwan, wañuy llakiy taripawan. Ujllata mancharisqa llakisqataj rikhurini.

⁴Chaypacha, Señorta wajyakorqani, mañakorqanitaj kausayniyta salvanawanta.

⁵Señorqa cheqampuni, khuyakojtaj; Diosninchejqa llamp'u sonqoyoj.

⁶Señorqa llamp'u sonqoyojkunata waqaychan; Noqa mana kallpayoj kashajtiy salvawarqa.

⁷Kunanqa watejmanta sonqo tiyasqa kayta atini, imaraykuchus Señorqa noqawan k'acha karqa.

⁸Wañuymanta qan librawanki, ñawisniy waqananmanta, chakisniy misk'ananmantawan.

⁹Noqaqa Señorpa ñaupaqempi purisaj, kay pachapi kausaj runaspa chaupimpi.

¹⁰May jina llakisqa kashaspapis, Diospi creesqayta parlarqani.

¹¹Mana imanayta atispa, nillarqaniña, tukuy runasqa llullas kanku, nispa.

¹²Imawantaj Señorman junt'asaj, tukuy allin imasta ruwapuwasqanmantari?

¹³Salvación qeruta oqharisaj! Señorpa sutintataj qhaparisaj.

¹⁴Kunanqa Señorman ruwasaj nisqayta junt'apusaj, tukuy ayllumpa ñaupaqempi.

¹⁵Señorpajqa may llakiy payta munakojkuna wañupunankoqa.

¹⁶Señor noqa kamachiyki kani, warmi kamachiyki kani, warmi kamachiykej wawan kani, watawasqanku lazota qan phaskarawanki.

¹⁷Yupaychana jaywanata agradecekuspa jaywasqayki, Señorpa sutinta wajyakuspa.

¹⁸Señorman ruwasaj nisqayta junt'apusaj, tukuy ayllumpa ñaupaqempi.

¹⁹Señorpa wasin patiosnimpi, qampa chaupiykipi, Jerusalén. Señorqa yupaychasqa kachun.