Read Quechua Bolivia DC Bible SALMO 118 Bible Online

SALMO 118 - Quechua Bolivia DC Bible bible

SALMO 118

¹Señorta k'acha kayninmanta agradeceychej, khuyakuynintaj mana tukukuyniyoj.

²Israelitas nichunku: Señorpa munakuynenqa wiñaypajmin, nispa.

³Sacerdotekunapis nichunku: Señorpa khuyakuynenqa wiñaypajmin, nispa.

⁴Señorta kasukojkunaqa nichunku: Señorpa khuyakuynenqa wiñaypajmin, nispa.

⁵Llakiyniypi Señorta wajyakorqani, paytaj uyariwarqa, librawarqataj.

⁶Señor noqawan kashan; mana manchachikunichu. Ima niwanqataj runari?

⁷Señorqa noqawan kashan; Pay yanapawan. Rikusajtaj chejnikuwajkunata atipasqasta.

⁸Aswan sumajmin Señorpi atienekunaqa, runapi atienekunamantaqa.

⁹Aswan sumaj Señorpi atienekunaqa, kuraj runaspi atienekunamantaqa.

¹⁰Tukuy naciones muyuykuwasqanku, Señorpa sutimpitaj paykunata chinkachisaj.

¹¹Tukuynejmanta muyuykuwarqanku, Señorpa sutimpitaj atiparqani.

¹²Lachiwanas jina muyuykuwarqanku, phiñakuynintaj thasnukapun khishka lauraj jina, Señorpa sutimpitaj atipasaj.

¹³Urmanaypaj jina sinch'ita tanqawarqanku, Señortaj yanapawan jamun.

¹⁴Kallpachawaj Señorman noqa takini; paymin salvawajneyqa.

¹⁵Diosta qhatej runaspa wasimpi, atipasqamanta kusikuywan takiykuna tiyan. Señorpa atiynin jatuchaj imasta ruwan.

¹⁶Señorpa atiynin ancha sumajpuni, Señorpa atiynin tukuy imata ruwan.

¹⁷Mana wañusajchu, astawanraj kausasaj, Señorpa ruwasqasninta willaramunaypaj.

¹⁸Señorqa sinch'ita jasut'iwarqa, manataj wañojta saqewarqachu.

¹⁹Kichariychej Señorpa wasi punkusninta, yaykuyta munani Señorman graciasta qoj.

²⁰Kaymin Señorpa punkonqa, chaynintataj cheqan runas yaykonqanku.

²¹Graciasta qoyki, Señor, uyariwasqaykimanta, salvawajniy kasqaykimantapis.

²²Wasichajkunaj wijch'usqanku rumeqa, esquina rumi kapun.

²³Chaytaqa Señor ruwarqa, noqanchejtaj t'ukushaj qhepakunchej.

²⁴Kay p'unchaypuni Señorqa ruwarqa; sonqo t'ikarisqas kunan p'unchay kusikunachej.

²⁵Salvawayku ari, Señor. Salvawayku. Allintaj riwachuyku ari, Señor.

²⁶Jatunchasqa kachun Señorpa sutimpi jamojqa. Yupaychana wasiykimantapacha bendicimuyku.

²⁷Señorqa Diospuni, pay k'anchawanchej. Qallariychej fiestata t'ikasta apamuspa, altarpa ñaupaqenkama.

²⁸Graciasta qoyku Dios kasqaykimanta. Jatun kayniykimanta yupaychayki.

²⁹Señorta k'acha kayninmanta agradeceychej, khuyakuynintaj mana tukukuyniyoj.