Read Quechua Bolivia DC Bible SALMO 135 Bible Online

SALMO 135 - Quechua Bolivia DC Bible bible

SALMO 135

¹Yupaychasqa kachun Señora. Señorpa sutinta yupaychaychej, kamachisnin kajkuna yupaychaychej.

²Señorpa wasimpi kajkuna, Diosninchejpa wasi patiompi kajkuna.

³Señorta yupaychaychej imaraykuchus payqa k'achamin. Sutinman takiychej imaraykuchus khuyakojmin.

⁴Pay Jacobta ajllakorqa, Israelta, qhapaj kapuynin kanampaj.

⁵Noqa allinta yachani, Señor Diosninchejqa tukuy dioskunamanta aswan jatun kasqanta.

⁶Señorqa tukuy munasqanta ruwan, janaj pachapi, kay pachapi, mar qochapi, tukuy ukhuspipis.

⁷Jallp'aj k'uchunmantapacha phuyusta orqhomun, para lliuj lliujkunata rikhurichin, wayratapis orqhomun.

⁸Pay ari Egiptopi tukuy phiwikunata wañuracherqa runasmanta animalesmantawan.

⁹Jatuchaj señalesta, t'ukuna imastawan Egiptopi ruwarqa; faraonta kamachisnintawan jasut'erqa.

¹⁰Ashkha nacionesta chinkacherqa, atiyniyoj reykunatataj wañuracherqa.

¹¹Amorreospa reynin Sehonta, Basampa reynin Ogta, tukuy Canaán jallp'api reykunatawan.

¹²Chay reyespa jallp'asnintataj, chayaqeta jina Israel llajtanman qorqa.

¹³Señor, sutiykeqa wiñaypajmin, wiñaypajtaj yuyarisqallapuni kanki,

¹⁴Señorqa ayllunwan justiciata ruwanqa, kamachisninmantataj khuyakonqa.

¹⁵Diosta mana rejsejkunaj lantisninkoqa, qorimanta qolqemantawan kanku, runaj ruwasqallan kanku.

¹⁶Simiyoj kanku, manataj parlankuchu; ñawisniyoj kanku, manataj rikunkuchu.

¹⁷Ningrisniyoj kanku, manataj uyarinkuchu; nitaj siminkupipis samay kanchu.

¹⁸Qhasi dioskunata ruwajkunaqa chaykunallamantaj rijch'akunku, tukuy chaykunapi creejkunapis.

¹⁹Israelitas: Señorta jatunchaychej. Sacerdotes, Señorta jatunchaychej.

²⁰Levitas, Señorta jatunchaychej. Qankuna Señorta kasojkuna Payta jatunchaychej.

²¹Jerusalempi tiyakoj Señorqa, Sionmantapacha jatunchasqa kachun. Yupaychasqa kachun Señorqa!