Read Quechua Bolivia DC Bible SALMO 33 Bible Online

SALMO 33 - Quechua Bolivia DC Bible bible

SALMO 33

¹Señorta yupaychaychej sumaj runas, sumaj runaspa jatunchasqan may k'achapuni.

²Arpaj waqaynimpi Señorman graciasta qoychej, guitarraj waqayninwantaj takiychej.

³Mosoj takiyta payman takiychej. K'achituta waqachispa tocariychej.

⁴Cheqampuni Señorpa palabranqa. Ruwasqasnin rikuchiwanchej cheqan ruwasqasninta.

⁵Señorqa cheqan kajta allin kajtawan munakun. Khuyakuynintaj tukuy kay pachata junt'aykun.

⁶Cielota, tukuy chaypi kajtapis, Señorqa palabranwan ruwarqa, simimpa samayninwan imalla.

⁷Payqa mar yakusta ujllaman tantaykun, qocha yakustataj ujllaman churan.

⁸Tukuy kay jallp'api kajkuna Señorta yupaychaychej, tukuy kay pachapi kausajkuna payta manchachikuychej.

⁹Pay parlarqa tukuy imataj ruwasqa karqa. Pay kamacherqa, tukuy imataj sinch'ita sayarqa.

¹⁰Señor Diosqa, llajtaspa ruwayta munasqankuta mana kajman tukuchin.

¹¹Señorpa ruway munasqantaj, wiñaypaj sayan, sonqompa yuyasqantaj wiñay wiñaypaj.

¹²Kusikuyniyojmin uj nacionta, imaraykuchus Señorqa Diosmin. Chay aylluta pay ajllakun paypata kanampaj.

¹³Janaj pachamanta qhawamuspa Señorqa tukuy runasta rikun.

¹⁴Pay kausakun chay cheqamantapacha, qawamun kay jallp'api tukuy kausajkunata.

¹⁵Pay sonqonkuta ruwarqa. Payllataj allinta qhawan tukuy ruwasqasninta.

¹⁶Ni mayqen reypis soldadosninwanqa salvakunmanchu, nitaj wapu runaspis kallpallanwanqa.

¹⁷Caballosllaqa mana pitapis salvanmanchu; may jina kallpayoj kashaspipis, manapuni atinkumanchu.

¹⁸Señorqa waqaychampuni payta yupaychajkunata, munakuynimpi atienekojkunata.

¹⁹Wañuymanta salvanampaj, yarqhay tiempopitaj mikhuchinampaj.

²⁰Noqanchejqa Señorpi atienekunchej, pay yanapawanchej, jark'awanchejtaj.

²¹Sonqonchejqa Señorpi kusikun, Santo sutimpitaj atienekunchej.

²²Munakuyniyki Señor noqaykuwan kashan, qampi suyakusqaykuman jina.