Read Quechua Bolivia DC Bible SALMO 45 Bible Online

SALMO 45 - Quechua Bolivia DC Bible bible

SALMO 45

¹K'acha palabraswan sonqoyqa junt'a kashan. Reyniypa ñaupaqempi yarawiyta takirikusaj. Sumaj qelqajpa lapiznin jina qalloyqa kashan.

²Aswan k'acha runa kanki. Simiykimanta misk'i parlay t'ojyarimun. Chayrayku Diosninchej wiñaypaj bendicisorqa.

³Wapu runa espadaykita chumpiykiman churay. Chay jinapi atiyniykipi k'achanchasqa kanki.

⁴Wapu kayniykiwan ñaupajman riy, cheqa kayrayku maqanakuspa, llamp'u sonqo kajman cheqan kajta ruwaspa. Paña makiykitaj jatuchaj imasta ruwanqa.

⁵Reyníy, llajtasqa chakisniykiman urmanku, flechasniykeqa filos kanku. Enemigosniykej sonqompitaj sat'iykukunku.

⁶Tiyanaykeqa, Diosníy, wiñaypaj. Kamachisqaykeqa cheqampuni.

⁷Cheqan kajta munakunki, sajratataj chejnikunki. Chayrayku Dios ajllakusorqa. Diosniyki kusikuywan junt'achisunki, kausaqesniykimanta astawan.

⁸P'achaykeqa canelaman, mirraman, aloeman ima q'aparishan. K'acha rumismanta ruwasqa palaciopi tocaykunawan kusichisunku.

⁹Reyespa ususisninku muyuykusunku. Tiyakunaykej pañampitaj Ofirmanta qoriwan k'achanchasqa, reina kashan.

¹⁰Uyariway, wawitáy! Qhaway imatachus nisqasuyta, qonqapuy familiaykita, llajtaykitawan.

¹¹Reyqa munan k'achita kasqaykita, pay Señorniyki, Payta kasunayki tiyan.

¹²Tiromanta sipaskuna t'inkawan jamusonqanku. Llajtamanta aswan qhapajkunataj, khuyarinaykita mañanqanku.

¹³May k'achitapuni reypa ususin yaykumushan. P'achanqa qoriwan t'iparasqa, k'achanchasqataj.

¹⁴May sumaj p'achallisqata reyman pusaykonqanku. kausaqesninwan khuska.

¹⁵Sumaj kusiywan pusanqanku. Reypa palacionmantaj may kusisqas yaykonqanku.

¹⁶Qhari wawasniykitaj, reyníy, ñaupa tatasniykej tiyananman tiyaykonqanku. Paykunata qan churanki, tukuy jallp'asniykipi kamachinankupaj.

¹⁷Noqa sutiykita yuyarichillasajpuni, tukuy runa mitapi, tukuy llajtaspitaj wiñaypaj yupaychasonqanku.